استانا قالاسى بايقوڭىر اۋدانىنىڭ پروكۋراتۋراسى ۇسىنىسىمەن ستالكينگ بويىنشا قىلمىستىق ءىس قارالدى, دەپ جازادى Egemen.kz.
ايىپتالۋشى جىلدار بويى اجىراسىپ كەتكەن ايەلىنىڭ مازاسىن العان.
سوت بارىسىندا جابىرلەنۋشىنىڭ بۇرىنعى كۇيەۋىمەن بايلانىس ورناتقىسى كەلمەگەنىنە قاراماستان ونىڭ ۇيىنە كەلىپ, كىرەبەرىس ەسىگىن بۇزىپ, بىرنەشە رەت پاتەرگە زاڭسىز كىرگەنى انىقتالدى. سونداي-اق جابىرلەنۋشى ايىپتالۋشىنىڭ زاڭسىز ءىس-ارەكەتتەرىنەن قورقىپ, پاتەرىنەن كەتىپ, اناسىنىڭ ۇيىنە بارۋعا ءماجبۇر بولعان. بۇعان قاراماستان, سوتتالۋشى جابىرلەنۋشىگە بارىپ, اگرەسسيۆتى ارەكەتتەر جاساپ, جۇيەلى تۇردە جانجال شىعارعان.
الماتىدا بۇرىنعى جۇبايىنىڭ ىزىنە تۇسكەن ستالكەرگە ۇكىم شىقتى
سونداي-اق ايىپتالۋشى تۇراقتى تۇردە بەيتانىس نومەرلەردەن جابىرلەنۋشىگە حابارلاسىپ, حابارلامالار جولداپ وتىرعان. استانا قالاسىنىڭ قىلمىستىق ىستەر جونىندەگى اۋدانارالىق سوتى سوتتالۋشىنى كىنالى دەپ تانىپ, وعان 100 ساعات قوعامدىق جۇمىستارعا تارتۋ تۇرىندەگى جازا تاعايىندادى.
تەرەزەدەن سىعالاپ, مازاسىن العان: اتىراۋ وبلىسىندا ستالكينگ تۋرالى جاڭا باپ نەگىزىندە ۇكىم شىقتى
ايتا كەتەيىك, زاڭسىز قۋدالاۋ ءۇشىن 200 ايلىق ەسەپتىك كورسەتكىشكە دەيىن ايىپپۇل نە سول مولشەردە تۇزەۋ جۇمىستارى, سونداي-اق 200 ساعاتقا دەيىن قوعامدىق جۇمىستارعا تارتۋ نە 50 تاۋلىككە دەيىن قاماۋعا الۋ تۇرىندەگى قىلمىستىق جاۋاپكەرشىلىك كوزدەلگەن.