امەريكالىق Blue Origin كومپانياسى اقش-تىڭ اي باعدارلاماسىنا قاتىسۋدى كەمىندە ءبىر جىلعا كەشىكتىرۋى مۇمكىن. بۇل تۋرالى Politico باسىلىمى NASA-نىڭ بۇرىنعى قىزمەتكەرىنىڭ ەسەپتەۋلەرىنە سىلتەمە جاساپ حابارلادى, دەپ جازادى Egemen.kz
29 مامىر كۇنى ميللياردەر دجەفف بەزوسقا تيەسىلى Blue Origin كومپانياسىنىڭ New Glenn زىمىرانى فلوريدا شتاتىنداعى ۇشىرۋ الاڭىندا جارىلعان. Associated Press اگەنتتىگىنىڭ مالىمەتىنشە, جارىلىس عارىش ايلاعىنىڭ ينفراقۇرىلىمىنا ەلەۋلى زيان كەلتىرگەن. قازىرگى ۋاقىتتا كومپانيا كەلتىرىلگەن شىعىن كولەمىن باعالاپ جاتىر.
NASA ايدى يگەرۋ جوسپارىن جاريالادى
NASA جوسپارىنا سايكەس, 2027 جىلى «ارتەميدا III» ميسسياسى جۇزەگە اسىرىلۋى ءتيىس. ونىڭ اياسىندا 2028 جىلعا جوسپارلانعان ايعا قونۋ ميسسياسىنىڭ الدىندا Orion عارىش كەمەسىنىڭ Blue Origin جانە يلون ماسكتىڭ SpaceX كومپانياسى ازىرلەپ جاتقان قونۋ مودۋلدەرىمەن ءتۇيىسۋ جانە جاقىنداسۋ مۇمكىندىگى تەكسەرىلەدى.
NASA-نىڭ بۇرىنعى قىزمەتكەرىنىڭ ايتۋىنشا, عارىش ايلاعىنىڭ ينفراقۇرىلىمىن قالپىنا كەلتىرۋ, اپاتتىڭ سەبەپتەرىن انىقتاۋ, New Glenn زىمىرانىنىڭ ۇشۋ سىناقتارىن قايتا باستاۋ جانە «ارتەميدا III» باعدارلاماسىنا قاجەتتى سىناقتاردى وتكىزۋ ۋاقىتتى تالاپ ەتەدى.
بۇگىن NASA 54 جىلدان كەيىن ايعا العاشقى ەكيپاجىن ۇشىرادى
سوندىقتان Blue Origin كومپانياسىنىڭ اي باعدارلاماسىنا قاتىسۋى كەم دەگەندە ءبىر جىلعا كەشىگۋى مۇمكىن.
الايدا ماقالادا ايتىلعانداي, ەگەر SpaceX كومپانياسى قاجەتتى دايىندىق جۇمىستارىن ۋاقىتىندا اياقتاسا, «ارتەميدا III» ميسسياسى 2027 جىلى جوسپارلانعان مەرزىمدە جۇزەگە اسۋى ىقتيمال.