«استانا قالاسىنىڭ اينالما جولى» اۆتوجولىنىڭ ۋچاسكەسىندە قوزعالىس ۋاقىتشا شەكتەلەدى, دەپ حابارلايدى Egemen.kz
«قازاۆتوجول» ۇلتتىق كومپانياسى «استانا قالاسىنىڭ اينالما جولى» اۆتوموبيل جولىنىڭ 8-22 شاقىرىم ارالىعىندا ورتاشا جوندەۋ جۇمىستارىنىڭ جۇرگىزىلۋىنە بايلانىستى كولىك قوزعالىسىنا 2026 جىلعى 15 ماۋسىمعا دەيىن ۋاقىتشا شەكتەۋ ەنگىزىلەتىنىن حابارلايدى.
استانانىڭ ەكى كوشەسىندە ۋاقىتشا كولىك قوزعالىسى شەكتەلەدى
جوندەۋ جۇمىستارى كەزەڭىندە قاراعاندى باعىتىنا قاتىنايتىن كولىك قۇرالدارىنىڭ قوزعالىسى ۋاقىتشا ۇيىمداستىرىلعان اينالما مارشرۋت ارقىلى جۇزەگە اسىرىلادى. اتاپ ايتقاندا, جۇرگىزۋشىلەر قوستاناي, كوكشەتاۋ, قوسشى جانە قاراعاندى باعىتتارى ارقىلى جۇرە الادى.
جۇمىس جۇرگىزىلەتىن ۋچاسكەدە ۋاقىتشا جول بەلگىلەرى مەن اقپاراتتىق كورسەتكىشتەر ورناتىلدى.
وسىعان بايلانىستى جۇرگىزۋشىلەردەن قوزعالىس باعىتىن الدىن الا جوسپارلاۋدى, ۋاقىتشا جول بەلگىلەرىنىڭ تالاپتارىن ساقتاۋدى, بەلگىلەنگەن جىلدامدىق رەجيمىن ۇستانۋدى جانە جول قوزعالىسى ەرەجەلەرىن قاتاڭ ورىنداۋدى سۇرايمىز.
ۋاقىتشا قولايسىزدىقتار ءۇشىن كەشىرىم سۇرايمىز جانە جۇرگىزىلىپ جاتقان جۇمىستارعا تۇسىنىستىكپەن قاراۋلارىڭىزدى وتىنەمىز.