ماڭعىستاۋ وبلىسىنداعى تۇزبايىر شاتقالىندا جول تالعامايتىن كولىك باتپاقتى سورعا باتىپ, قوزعالا الماي قالعان. 112 قىزمەتىنە حابار تۇسكەننەن كەيىن تجم قۇتقارۋشىلارى وقيعا ورنىنا جەدەل جەتتى, دەپ حابارلايدى Egemen.kz.
كولىكتە ۇلىبريتانيادان كەلگەن ەكى ەرەسەك ادام مەن 12 جاستاعى بالا بولعان. جەردىڭ كۇردەلى بەدەرى مەن باتپاقتى اۋماق قۇتقارۋ جۇمىستارىن قيىنداتىپ, وپەراتسيا ءبىر تاۋلىكتەن استام ۋاقىتقا سوزىلدى.
قۇتقارۋشىلار ارنايى تەحنيكانىڭ كومەگىمەن كولىكتى سوردان شىعارىپ, قاۋىپسىز جەرگە جەتكىزدى.
وقيعا سالدارىنان ەشكىم زارداپ شەككەن جوق, تۋريستەرگە مەديتسينالىق كومەك قاجەت بولمادى.
ايتا كەتەيىك, اقمولا وبلىسىنىڭ قۇتقارۋشىلارى بۋرابايدا تاۋدان تۇسە الماي قالعان توعىز شەتەلدىك ايەل تۋريستكە كومەك كورسەتتى.
الماتى تاۋلارىندا ءۇش كۇن بايلانىسسىز قالعان تۋريست قۇتقارىلدى.