پاۆلودار وبلىسىندا جولاۋشىلار وتىرعان تاكسي جول جيەگىندەگى قورشاۋعا سوعىلىپ, سالدارىنان ءۇش ادام اۋرۋحاناعا جەتكىزىلدى. وقيعا كەزىندە اۋىر جاراقات العان 21 جاستاعى ستۋدەنت قازىر جانساقتاۋ بولىمىندە جاتىر, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, جول-كولىك وقيعاسى 29 مامىر كۇنى كەشكە استانا – پاۆلودار تاسجولىندا بولعان. الدىن الا دەرەك بويىنشا, Hyundai Tucson كولىگىنىڭ جۇرگىزۋشىسى جول بويىنداعى قورعانىس قۇرىلعىسىنا سوقتىعىسقان.
اپات سالدارىنان ءۇش ادام ءتۇرلى جاراقاتپەن اۋرۋحاناعا جەتكىزىلگەن. قازىر وقيعانىڭ ءمان-جايىن انىقتاۋ ءۇشىن تەرگەۋ جۇرگىزىلىپ جاتىر. كولىك ارنايى تۇراققا قويىلعان.
اتىراۋ وبلىسىندا اۋدان اكىمنىڭ ورىنباسارى جول اپاتىنان كوز جۇمدى
كۋاگەرلەر تۇسىرگەن بەينەجازبالاردان جول قورشاۋىنىڭ تەمىر بولىگى كولىكتىڭ سالونىنا دەيىن كىرىپ كەتكەنى بايقالادى. سونىڭ سالدارىنان الدىڭعى ورىندىقتا وتىرعان جولاۋشى اسا اۋىر جاراقات العان.
جاراقاتتانعان جىگىتتىڭ دوستارىنىڭ ايتۋىنشا, ول استانادان پاۆلودارعا اتا-اناسىنا بارۋ ءۇشىن جولعا شىققان. اپات بولعان تورتقۇدىق اۋىلى ماڭىندا جول جوندەۋ جۇمىستارى جۇرگىزىلىپ جاتقان.
ولاردىڭ سوزىنشە, جۇرگىزۋشى جوعارى جىلدامدىقپەن كەلە جاتىپ, جول قورشاۋىنا سوعىلعان. سالدارىنان ستۋدەنت وقيعا ورنىندا وڭ اياعىنان ايىرىلىپ, كوپ قان جوعالتقان. جەدەل جاردەم كولىگىندە ونىڭ جۇرەگى توقتاپ قالعانىمەن, دارىگەرلەر قايتا ءتىرىلتىپ ۇلگەرگەن. كەيىن اۋرۋحانادا ەكىنشى اياعىنا دا امپۋتاتسيا جاساۋعا تۋرا كەلگەن.
جانتۇرشىگەرلىك جول اپاتىنان شىعىس قازاقستاندا ءۇش جىگىت كوز جۇمدى
قازىرگى ۋاقىتتا جاس جىگىت كوما جاعدايىندا جانساقتاۋ بولىمىندە جاتىر.
الدىن الا مالىمەت بويىنشا, ساپار «ياندەكس تاكسي» قىزمەتى ارقىلى راسىمدەلگەن. كولىكتى 22 جاستاعى جۇرگىزۋشى باسقارعان.