سلوۆەنيانىڭ كوپەر قالاسىندا سپورتتىق گيمناستيكادان Challenge Cup ساناتىنداعى جارىستىڭ فينالدارى ءوتىپ جاتىر, دەپ حابارلايدى Egemen.kz
تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتىنىڭ مالىمەتىنشە تۇتقالى ات سناريادىندا ۇلتتىق قۇراما سپورتشىسى زەينوللا ىدىرىسوۆ 2-ورىن الدى. ول فينالدا 14.133 بالل جينادى.
وسى جاتتىعۋدا تاعى ءبىر وتانداسىمىز, پاريج وليمپياداسىنىڭ كۇمىس جۇلدەگەرى ناريمان كۋربانوۆ باق سىناپ, 7-ساتىدان كورىندى. ونىڭ ەنشىسىندە 13.233 ۇپاي بار. تۇتقالى ات سناريادىنىڭ جۇلدەگەرلەرى:
1. ماتەو زۋگەتس (حورۆاتيا, 14.166 بالل)
2. زەينوللا ىدىرىسوۆ (قازاقستان)
3. دجوشۋا ناتان ( ۇلىبريتانيا, 14.100 بالل)
ەرتەڭ فينالدىق باسەكەنىڭ 2-كۇنى. وندا ەل نامىسىن رومان مامەنوۆ قورعايدى. ول تىرەنىپ سەكىرۋ جاتتىعۋىندا جۇلدەگە تالاسادى.