حالىقارالىق اتوم ەنەرگياسى اگەنتتىگىنىڭ باس ديرەكتورى رافاەل گروسسي قازاقستان يراندىق بايىتىلعان ۋران قورلارىن قابىلداۋعا دايىن ەكەنىن جەتكىزدى. بۇل تۋرالى ول Financial Times باسىلىمىنا بەرگەن سۇحباتىندا ايتتى, دەپ حابارلايدى Egemen.kz.
رافاەل گروسسي بۇل كەلىسىمگە قازاقستان پرەزيدەنتى قاسىم-جومارت توقاەۆپەن استانادا وتكەن كەزدەسۋ بارىسىندا قول جەتكىزىلگەنىن اتاپ ءوتتى. ونىڭ سوزىنشە, بۇل شەشىم اقش پەن يران يادرولىق باعدارلاما بويىنشا كەلىسىمگە كەلگەن جاعدايدا جۇزەگە اسۋى مۇمكىن.
ماگاتە باسشىسى ۋراندى قازاقستاندا ساقتاۋ اقش پەن يران ءۇشىن دە «قولايلى نۇسقا» بولۋى مۇمكىن ەكەنىن جەتكىزدى. دەگەنمەن بۇل ماسەلەنىڭ ىسكە اسۋى ەكى ەل اراسىنداعى يادرولىق كەلىسىمدەرگە بايلانىستى بولىپ وتىر. جۋىردا تاراپتار ەكىجاقتى تالاپتارىن جاريالاپ, اتىستى توقتاتۋعا قاتىستى 60 كۇندىك الدىن الا كەلىسىمگە قول جەتكىزگەن بولاتىن.
ايتا كەتەيىك, بۇعان دەيىن قاسىم-جومارت توقاەۆ ماگاتە باسشىسىمەن استانادا كەزدەسىپ, قازاقستان يراننىڭ يادرولىق باعدارلاماسى توڭىرەگىندەگى ماسەلەنىڭ شەشىلۋىنە اتسالىسۋعا دايىن ەكەنىن ايتقان بولاتىن.