31 مامىردان باستاپ LOT Polish Airlines پولشا ۇلتتىق اۋە تاسىمالداۋشىسى الماتى – ۆارشاۆا باعىتى بويىنشا تىكەلەي رەيستەردى ىسكە قوسادى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى مالىمدەدى, دەپ حابارلايدى Egemen.kz.
رەيستەر زاماناۋي Boeing 737 MAX اۋە كەمەلەرىمەن اپتاسىنا ءتورت رەت ورىندالادى. بۇل قازاقستان مەن ەۋروپا اراسىنداعى قاتىناستى ودان ءارى قولايلى ءارى ىڭعايلى ەتۋگە مۇمكىندىك بەرەدى.
«الماتى حالىقارالىق تۋريستىك جانە ىسكەرلىك حاب رەتىندەگى مارتەبەسىن نىعايتۋدى جالعاستىرىپ كەلەدى. ەندى مەگاپوليس تۇرعىندارى مەن قوناقتارى پولشا استاناسى ۆارشاۆاعا تىكەلەي ۇشا الادى», دەلىنگەن حابارلامادا.
سونداي-اق 1 ماۋسىم كۇنى الماتىعا پولشالىق تۋروپەراتورلار مەن ترەۆەل-بلوگەرلەردەن قۇرالعان دەلەگاتسيا كەلەدى. قوناقتار ءۇشىن قالانىڭ باستى كورىكتى جەرلەرى, زاماناۋي تۋريستىك ينفراقۇرىلىمى, گاسترونوميالىق ورىندارى جانە ىلە الاتاۋىنداعى دەمالىس ايماقتارىن قامتيتىن ارنايى باعدارلاما ازىرلەنگەن.
بۇدان بولەك, پولشا تۋريستىك يندۋسترياسىنىڭ وكىلدەرى الماتىلىق تۋروپەراتورلارمەن جانە بيزنەس قاۋىمداستىق مۇشەلەرىمەن كەزدەسىپ, بىرلەسكەن جوبالار مەن بولاشاق ىنتىماقتاستىق مۇمكىندىكتەرىن تالقىلايدى.