اعىلشىننىڭ ليۆەرپۋل فۋتبول كلۋبى باس باپكەر ارنە سلوتتىڭ قىزمەتىنەن كەتكەنىن مالىمدەدى, دەپ حابارلايدى Egemen.kz.
كلۋب باسشىلىعىنىڭ حابارلاۋىنشا, الداعى دامۋ كەزەڭى ءۇشىن وزگەرىستەر قاجەت بولعاندىقتان, تاراپتار كەلىسىمشارتتى توقتاتۋ تۋرالى شەشىم قابىلداعان.
«ليۆەرپۋل» ارنە سلوتتىڭ باس باپكەر قىزمەتىنەن كەتەتىنىن راستايدى. قازىرگى ۋاقىتتا جاڭا باپكەر تاعايىنداۋ جۇمىستارى جۇرگىزىلىپ جاتىر. ول كلۋبتان پرەمەر-ليگا چەمپيونى اتاعىمەن كەتىپ وتىر. ءبىز وعان شىنايى العىسىمىزدى بىلدىرەمىز», دەلىنگەن كلۋب مالىمدەمەسىندە.
ايتا كەتەيىك, نيدەرلاندتىق مامان «ليۆەرپۋل» تىزگىنىن 2024 جىلدىڭ مامىرىندا قابىلداپ, كوماندانى ەكى ماۋسىم بويى جاتتىقتىردى. وسى كەزەڭدە ول انگليا چەمپيونى اتاندى. وتكەن ماۋسىمدا مەرسيسايدتىق كلۋب پرەمەر-ليگادا بەسىنشى ورىن الىپ, چەمپيوندار ليگاسىنا جولداما الدى.
كوماندانى چەمپيوندار ليگاسىنىڭ شيرەك فينالىنا جەتكىزگەن باس باپكەر «قايراتتان» نەگە كەتتى؟
ينسايدەرلەردىڭ مالىمەتىنشە, «ليۆەرپۋلدىڭ» جاڭا باس باپكەرى قىزمەتىنە نەگىزگى ۇمىتكەرلەردىڭ ءبىرى – يسپانيالىق مامان اندوني يراولا. ول ماۋسىم اياقتالعاننان كەيىن «بورنمۋت» ساپىنان اۋىسادى دەپ كۇتىلىپ وتىر.
ماۋسىم سوڭىندا اعىلشىن پرەمەر-ليگاسىندا كادرلىق اۋىس-ءتۇيىس قىزا ءتۇستى. وسىعان دەيىن رەال مادريد كلۋبىن جاتتىقتىرعان حابي الونسو «چەلسي» باپكەرى اتانسا, حوسەپ گۆارديولا «مانچەستەر سيتي»-دەن كەتەتىنىن مالىمدەگەن ەدى.