ەلىمىزدە بالالاردى كيبەربۋللينگتەن قورعاۋ شارالارى كۇشەيتىلىپ كەلەدى. ماسەلەن 2026 جىلدىڭ باسىنان بەرى ەلىمىزدە بالالارعا زياندى دەپ تانىلعان 7 231 ينتەرنەت-رەسۋرسقا تىيىم سالىنعان, دەپ حابارلايدى Egemen.kz.
سونىمەن قاتار الەۋمەتتىك جەلىلەر اكىمشىلىكتەرىنە 21 781 ماتەريالدى بۇعاتتاۋ جونىندە جۇمىستارى جۇرگىزىلىپ جاتىر. بۇل جۇمىستارعا «كيبەرباقىلاۋ» ۆەدومستۆوارالىق جۇيەسى مەن بالالاردىڭ قۇقىقتارىن قورعاۋ كوميتەتى تارتىلعان. سول ارقىلى وتكەن جىلى 40 مىڭنان استام ينتەرنەت-سىلتەمە بالالاردىڭ پسيحيكالىق دەنساۋلىعىنا ىقتيمال قاۋىپ رەتىندە انىقتالعان.
سونداي-اق وقۋشىلارعا باستاۋىش سىنىپتان باستاپ تسيفرلىق ساۋاتتىلىق نەگىزدەرىن مەڭگەرۋ مۇمكىندىكتەرى ەنگىزىلدى. ورتا جانە جوعارى سىنىپتاردا بۇل باعىت «ينفورماتيكا» جانە «جاھاندىق قۇزىرەتتەر» پاندەرى اياسىندا جالعاسادى.
ەلىمىزدە بالالار سپورتىنا قانداي قولداۋلار قاراستىرىلعان؟
وسى ارقىلى تسيفرلىق ورتاداعى بالالار قاۋىپسىزدىگى وتباسى دەڭگەيىندەگى عانا ەمەس, مەملەكەتتىك ساياساتتىڭ ماڭىزدى باعىتىنا اينالىپ وتىر.
ەسكە سالا كەتەيىك, ەلىمىزدە بۋللينگكە نەمقۇرايلى قاراعاندارعا 30-80 اەك كولەمىندە ايىپپۇل قاراستىرىلعان.