قوستاناي وبلىسىنداعى «التىن دالا» مەملەكەتتىك تابيعي رەزەرۆاتى اۋماعىندا كەرقۇلانداردىڭ جاڭا توبى جابايى تابيعاتقا جىبەرىلدى. ەكولوگيا جانە تابيعي رەسۋرستار مينيسترلىگى حابارلادى, دەپ جازادى Egemen.kz.
جانۋارلار 25 مامىر كۇنى تابيعاتقا جىبەرىلگەن. ولاردىڭ ىشىندە پراگا قالاسىنان جەتكىزىلگەن ءبىر ايعىر جانە ۆەنگرياداعى حورتوباد ۇلتتىق پاركىنەن ءتورت بيە بار.
قۇلاندار بۇعان دەيىن ارنايى ورتالىقتا كەڭ قورشاۋدا ءبىر جىل بويى بەيىمدەلۋ كەزەڭىنەن وتكەن. وسى ۋاقىت ىشىندە ولار ماماندار مەن ۆەتەرينارلاردىڭ باقىلاۋىندا بولىپ, جەرگىلىكتى كليماتتىق جاعدايلارعا تولىق بەيىمدەلگەن.
«كەرقۇلاندار تابيعاتقا جىبەرىلگەننەن كەيىن دە رەزەرۆاتتىڭ مەملەكەتتىك ينسپەكتورلارىنىڭ تۇراقتى باقىلاۋى مەن قورعاۋىندا بولادى. ماماندار ولاردىڭ قوزعالىسىن جانە جابايى تابيعاتقا بەيىمدەلۋىن ودان ءارى قاداعالايدى, دەلىنگەن مينيسترلىك حابارلاماسىندا.
قىزىل كىتاپقا ەنگەن قۇلاندار تابيعاتقا جىبەرىلدى
ەسكە سالا كەتەيىك, بۇعان دەيىن رەسەي پرەزيدەنتى ۆلاديمير ءپۋتيننىڭ ەلىمىزگە مەملەكەتتىك ساپارى اياسىندا قازاقستان اۋماعىنا ءتورت امۋر جولبارىسى اكەلىنگەن بولاتىن.