مەملەكەت باسشىسىنىڭ تاپسىرماسىنا سايكەس جاس ۇرپاقتىڭ دەنساۋلىعىن قورعاۋ جانە وقۋشىلاردى ساپالى, تەڭگەرىمدى تاماقپەن قامتاماسىز ەتۋ مەملەكەتتىك ساياساتتىڭ باسىم باعىتى بولىپ قالا بەرەدى. بۇل باعىتتا بىرقاتار جاڭا تەحنولوگيالار ىسكە قوسىلعان, دەپ حابارلايدى Egemen.kz.
بۇگىندە 1-4 سىنىپ وقۋشىلارى مەن جەكەلەگەن ساناتتاعى جوعارى سىنىپ وقۋشىلارى تەگىن ىستىق تاماقپەن قامتىلعان. جالپى العاندا بۇل شارا 1,7 ملن بالاعا قولدانىلادى.
مەكتەپتەگى جەڭىلدىكتەردى ناقتى جانە اشىق ەسەپكە الۋ ءۇشىن تسيفرلىق وتباسى كارتاسىنىڭ مۇمكىندىكتەرى كەڭىنەن پايدالانىلىپ كەلەدى. بۇل جۇيە مەملەكەتتىك قولداۋعا مۇقتاج بالالاردى جەدەل انىقتاۋعا مۇمكىندىك بەرەدى.
ەلوردادا جاڭارتىلعان 8 اۋلا بالالار يگىلىگىنە بەرىلدى
سونىمەن قاتار سانيتارلىق قاۋىپسىزدىك ستاندارتتارى دا كۇشەيتىلدى. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» جاڭارتىلعان كودەكس اياسىندا مەكتەپ اسحانالارىنا پرواكتيۆتى مونيتورينگ ەنگىزىلدى. بۇل الدىن الا ەسكەرتۋسىز تەكسەرۋلەر جۇرگىزۋگە جول اشادى.
ەسكە سالا كەتەيىك, بۇدان بولەك بۇگىندە ەلىمىزدە 1,8 ملن-عا جۋىق بالا تۇراقتى تۇردە سپورتپەن اينالىسادى.