قازاقستاندا انا ءولىمى كورسەتكىشى وتكەن جىلدىڭ سايكەس كەزەڭىمەن سالىستىرعاندا 43 پايىزعا تومەندەدى. بۇل تۋرالى دەنساۋلىق ساقتاۋ ءبىرىنشى ۆيتسە-ءمينيسترى تيمۋر سۇلتانعازيەۆ مالىمدەدى, دەپ حابارلايدى Egemen.kz.
ونىڭ ايتۋىنشا, ەسەپتى كەزەڭدە انا ءولىمى كورسەتكىشى 100 مىڭ شاقالاققا شاققاندا 6,8-ءدى قۇراپ, 2025 جىلى تىركەلگەن 12 كورسەتكىشىنەن ايتارلىقتاي تومەندەگەن. سونىمەن قاتار نارەستە ءولىمى دە 5,92-دەن 5,56-عا دەيىن ازايعان.
«انا دەنساۋلىعىن قورعاۋداعى وڭ ديناميكا قابىلدانعان جۇيەلى شارالاردىڭ ناتيجەسىندە قالىپتاسىپ وتىر. اتاپ ايتقاندا, جۇكتى ايەلدەردى ەرتە كەزەڭدە مەديتسينالىق باقىلاۋمەن قامتۋ دەڭگەيى 77,6 پايىزعا دەيىن ارتتى. 2025 جىلدىڭ تامىز ايىنان باستاپ قازاقستاندا «انالار ساۋلىعى» باعدارلاماسى ىسكە اسىرىلىپ جاىر. باعدارلاما العاشقى مەديتسينالىق-سانيتارلىق كومەك دەڭگەيىندە 15 تەگىن بازالىق زەرتتەۋدى ۇسىنادى» دەپ اتاپ ءوتتى ۆيتسە-مينيستر.
الماتىدا انا ءولىمى تۋرالى حابارلاماعان پەرزەنتحاناعا ايىپپۇل سالىندى
ونىڭ ايتۋىنشا, وڭىرلەردە 19 پەريناتالدىق ورتالىق جانىنان «سالاۋاتتى انا» پانسيوناتتارى اشىلىپ, قازىرگى تاڭدا 89 توسەك-ورىن دايىندالعان. مۇندا جوعارى قاۋىپ توبىنداعى 3,5 مىڭنان استام جۇكتى ايەل الدىن الا مەديتسينالىق كومەك العان.
ەسكە سالا كەتەيىك, بۇعان دەيىن دەنساۋلىق ساقتاۋ ءمينيسترى اقمارال ءالنازاروۆا سوڭعى بەس جىلدا انا ءولىمى 35%-عا تومەندەگەنىن ايتقان بولاتىن.