سەمەي قالاسىندا قازاقى تازى تۇقىمىن ناسيحاتتاۋعا باعىتتالعان تۇقىمدىق بايقاۋ مەن مونوتۇقىمدىق كورمە ءوتتى. قازاقستان كينولوگتار وداعى ۇيىمداستىرعان بايقاۋعا قازاقى تازى تۇقىمىنان 27 يت قاتىستى, دەپ حابارلايدى Egemen.kz.
مونوتۇقىمدىق كورمە تۇقىمدىق كۋالىگى بار يتتەر اراسىندا وتكىزىلىپ, جوعارى تۇقىمدىق اتاقتار مەن ماراپاتتار ءۇشىن باق سىناستى. كورمەگە بارلىعى 40 تازى تىركەلدى.
ۇيىمداستىرۋشىلاردىڭ ايتۋىنشا, مۇنداي ءىس-شارالار قازاقى تازىنىڭ گەنەتيكالىق قورىن ساقتاۋعا, تۇقىم ساپاسىن ارتتىرۋعا جانە ۇلتتىق مۇرانى دارىپتەۋگە ىقپال ەتەدى.
«قازاق تازىسى مەن توبەت كۇنى»: قازاقستاندا جاڭا مەرەكە پايدا بولدى
كورمە قورىتىندىسى بويىنشا تۇقىمنىڭ ۇزدىك وكىلدەرى انىقتالدى. سولاردىڭ ىشىندە ۇزدىك تۇقىم وكىلى سانالعان DASTER تازىسى 3-7 ماۋسىم ارالىعىندا يتاليانىڭ بولونيا قالاسىندا وتەتىن الەم چەمپيوناتىنا قاتىسادى.
«مۇنداي ءىس-شارالاردىڭ ەرەكشە ماڭىزى بار. ولار پراكتيكالىق اسىلداندىرۋ جۇمىسىن جانە كورمەلىك باعالاۋدى بىرىكتىرەدى. تۇقىمدىق بايقاۋ ستاندارتق سايكەس كەلەتىن يتتەردى انىقتاپ, ەسەپكە قويۋعا مۇمكىندىك بەرسە, مونوتۇقىمدىق كورمە تۇقىمنىڭ ۇزدىك وكىلدەرىن كورسەتۋگە, يت قورىنىڭ دەڭگەيىن سالىستىرۋعا جانە جاۋاپتى ءوسىرۋ مادەنيەتىن قولداۋعا جاعداي جاسايدى» دەلىنگەن قازاقستان كينولوگتار وداعىنىڭ حابارلاماسىندا.
ەسكە سالا كەتەيىك, بۇعان دەيىن ءدال وسىنداي بايقاۋ مەركىدە وتكەن بولاتىن.