استانادا ەكى كوشەنىڭ جەكەلەگەن ۋچاسكەلەرىندە جول جوندەۋ جۇمىستارىنا بايلانىستى ۋاقىتشا قوزعالىس شەكتەلەدى. بۇل تۋرالى iKOMEK109 قالالىق مونيتورينگ جانە جەدەل ارەكەت ەتۋ ورتالىعى حابارلادى, دەپ جازادى Egemen.kz.
الداعى اپتادا م.تىنىشباەۆ كوشەسىندە ا.بايتۇرسىنوۆ كوشەسىنەن ج.ناجىمەدەنوۆ كوشەسىنە دەيىنگى ارالىقتا جول جابىنىنىڭ جوعارعى قاباتىن توسەۋ جۇمىستارى جۇرگىزىلەدى. وسىعان بايلانىستى 30 مامىر مەن 2 ماۋسىم ارالىعىندا اتالعان ۋچاسكەدە قوزعالىس ءىشىنارا جابىلادى.
مامانداردىڭ ايتۋىنشا, اتالعان اۋماقتا ورتاشا جوندەۋ جۇمىستارى مەن جول جابىنىنىڭ جوعارعى قاباتىن جاڭارتۋ كوزدەلگەن.
استانادا قاي كوشەلەردە قوزعالىس شەكتەلەدى
وسىعان بايلانىستى جاۋاپتىلار قالا تۇرعىندارى مەن جۇرگىزۋشىلەردەن مارشرۋتتارىن الدىن الا جوسپارلاپ, قوزعالىستاعى وزگەرىستەردى ەسكەرۋدى سۇرايدى.
ەسكە سالا كەتەيىك, بۇعان دەيىن 25-29 مامىر ارالىعىندا ەلوردانىڭ كەيبىر كوشەلەرىندە كولىك قوزعالىسىنا ۋاقىتشا شەكتەلگەن بولاتىن.