فۋتبولدان چەمپيوندار ليگاسىنىڭ فينالىندا «پاري سەن-جەرمەن» كلۋبى جەڭىسكە جەتكەننەن كەيىن فرانتسيانىڭ بىرنەشە قالاسىندا جاپپاي تارتىپسىزدىكتەر ورىن الدى, دەپ حابارلايدى Egemen.kz.
جەرگىلىكتى باق مالىمەتىنشە, قوعامدىق ءتارتىپتى بۇزۋعا قاتىسى بار دەگەن كۇدىكپەن كەمىندە 140 ادام ۇستالعان. قۇقىق قورعاۋ ورگاندارى 2216 تەكسەرۋ جۇرگىزىپ, 89 ايىپپۇل سالعان. سونىمەن قاتار, 24 فايەر مەن جۇزگە جۋىق پيروتەحنيكالىق قۇرال تاركىلەندى.
تارتىپسىزدىكتەر كەزىندە قاۋىپسىزدىكتى قامتاماسىز ەتۋگە جۇمىلدىرىلعان پوليتسيا قىزمەتكەرلەرىنىڭ ءبىرى جاراقات العان. سونداي-اق «پارك دە پرەنس» ستاديونى ورنالاسقان ءپاريجدىڭ XVI وكرۋگىندە ناۋبايحانا مەن مەيرامحاناعا زاقىم كەلگەن.
ەليسەي الاڭى ماڭىندا التى كولىك پەن گازەت دۇڭگىرشەگى ورتەلگەن. ال ستاديون توڭىرەگىندە مىڭعا جۋىق ادام جينالىپ, جالعا بەرىلەتىن ۆەلوسيپەدتەردەن بارريكادالار تۇرعىزعان. ءتارتىپ ساقشىلارى جاعدايدى باقىلاۋعا الىپ, كەي كەزدەرى كوزدەن جاس اعىزاتىن گاز قولدانۋعا ءماجبۇر بولعان.
ەسكە سالايىق, چەمپيوندار ليگاسىنىڭ فينالىندا «پاري سەن-جەرمەن» مەن لوندوننىڭ «ارسەنال» كلۋبى كەزدەسىپ, پاريجدىك كوماندا جەڭىسكە جەتكەن بولاتىن.