«جولاۋشىلار تاسىمالى» اق باگاج تاسىمالىن تسيفرلاندىرۋ بويىنشا پيلوتتىق جوبانى سىناقتان وتكىزىپ جاتىر, دەپ حابارلايدى Egemen.kz
«جولاۋشىلار تاسىمالى» اق 2026 جىلعى 22 مامىردان باستاپ باگاج جانە جۇك-باگاجدى راسىمدەۋ مەن سۇيەمەلدەۋ پروتسەستەرىن تسيفرلاندىرۋعا ارنالعان پيلوتتىق جوبانى سىناقتان وتكىزىپ جاتىر. جوبا №9/10 «نۇرلى جول – الماتى-2» پويىزى باعىتىندا ىسكە اسىرىلۋدا. سىناق جۇمىستارى نۇرلى جول, قاراعاندى جانە الماتى-2 ستانتسيالارىنداعى باگاج بولىمشەلەرىن قامتيدى.
جاڭا تسيفرلىق جۇيە باگاج جانە جۇك-باگاجعا قاتىستى وپەراتسيالاردىڭ اشىقتىعىن ارتتىرۋعا, ەسەپ جۇرگىزۋدى جەڭىلدەتۋگە جانە تاسىمالدى راسىمدەۋ كەزىندە ادامي فاكتوردى بارىنشا ازايتۋعا باعىتتالعان. جۇيە جونەلتىمدى قابىلداۋدان باستاپ, باعىت بويىمەن سۇيەمەلدەۋگە دەيىنگى بارلىق پروتسەستى بىرىڭعاي تسيفرلىق تارتىپكە كەلتىرەدى.
ماۋسىم ايىنان باستاپ قازاقستاندا تەمىرجول ءتاريفى قىمباتتاۋى مۇمكىن
پلاتفورما ستانتسيا وپەراتورى ارقىلى جۇمىس ىستەۋگە مۇمكىندىك بەرەدى. سونىمەن قاتار WMS, ياعني قويما پروتسەستەرىن باسقارۋ جۇيەسى نەگىزىندە وزىنە-ءوزى قىزمەت كورسەتۋ تاسىلدەرى دە قاراستىرىلعان.
ايتا كەتەيىك, بۇل تسيفرلىق شەشىمدى Astana IT University ستۋدەنتتەرى «جولاۋشىلار تاسىمالى» اق-مەن دۋالدى وقىتۋ باعدارلاماسى اياسىنداعى ىنتىماقتاستىق نەگىزىندە ازىرلەدى. جوبا بارىسىندا ستۋدەنتتەر ناقتى وندىرىستىك مىندەتتەردى شەشۋگە قاتىسىپ, العان بىلىمدەرىن تاجىريبەدە قولدانۋعا مۇمكىندىك الدى.
الداعى ۋاقىتتا «جولاۋشىلار تاسىمالى» اق بۇل تسيفرلىق شەشىمدى بارلىق باگاج بولىمشەلەرىنە كەزەڭ-كەزەڭىمەن ەنگىزۋدى جوسپارلاپ وتىر.