«قاشاعان» كەن ورنىن يگەرىپ جاتقان NCOC كونسورتسيۋمى ماۋسىم ايىنا جوسپارلانعان كۇردەلى جوندەۋ جۇمىستارىن كەيىنگە قالدىردى, دەپ حابارلايدى Egemen.kz.
باسىلىم مالىمەتىنشە, تەڭىزدەگى جانە قۇرلىقتاعى وندىرىستىك نىسانداردا 1 ماۋسىمنان باستالۋى ءتيىس بولعان 35 كۇندىك جوسپارلى جوندەۋ جۇمىستارى كەيىنگە شەگەرىلگەن.
وسىنىڭ ارقاسىندا قاشاعانداعى مۇناي ءوندىرۋ كولەمى ماۋسىم مەن شىلدەنىڭ باسىندا تاۋلىگىنە شامامەن 400 مىڭ باررەل دەڭگەيىندە ساقتالادى.
مۇنداي شەشىم قابىلداۋعا تەڭىز كەن ورنىنداعى ءوندىرىس كولەمىنىڭ ۋاقىتشا تومەندەۋى سەبەپ بولعانى ايتىلۋدا. ساراپشىلاردىڭ پىكىرىنشە, ەلىمىزدەگى ەكى ءىرى مۇناي جوباسىنىڭ ءبىر مەزگىلدە توقتاۋى قازاقستان مۇنايىنىڭ ەكسپورت كولەمىنە ەلەۋلى اسەر ەتۋى مۇمكىن ەدى.
سونىمەن قاتار, NCOC جوندەۋ جۇمىستارىنا دايىندىقتى باستاپ كەتكەن مەردىگەر كومپانيالاردىڭ شىعىندارىن دا باعالاپ جاتىر.
ەسكە سالايىق, ەنەرگەتيكا ءمينيسترى جىل سوڭىنا دەيىن قاشاعانداعى جاڭا زاۋىتتىڭ قۇرىلىسى اياقتالاتىنىن ايتقان بولاتىن.
بۇعان دەيىن مۇناي الپاۋىتتارى قاشاعانداعى ەكولوگيالىق تالاپتاردى بۇزىپ كەلگەنىن جازعان بولاتىنبىز.