قازاقستاندا 1 ماۋسىمنان باستاپ جازعى شينالار ماۋسىمى رەسمي تۇردە باستالادى. وسى كۇننەن باستاپ كولىكتى قىسقى شينالارمەن باسقارعان جۇرگىزۋشىلەر اكىمشىلىك جاۋاپكەرشىلىككە تارتىلۋى مۇمكىن, دەپ حابارلايدى Egemen.kz
اكىمشىلىك قۇقىق بۇزۋشىلىق تۋرالى كودەكسكە سايكەس, ماۋسىمعا سايكەس كەلمەيتىن شينالاردى پايدالانعانى ءۇشىن 5 ايلىق ەسەپتىك كورسەتكىش (21 625 تەڭگە) كولەمىندە ايىپپۇل قاراستىرىلعان. ەگەر مۇنداي قۇقىق بۇزۋشىلىق ءبىر جىل ىشىندە قايتالانسا, ايىپپۇل مولشەرى 20 اەك-كە دەيىن وسەدى.
«دوڭگەلەكتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتكە سايكەس, جازعى شينالارداعى پروتەكتوردىڭ بيىكتىگى كەمىندە 1,6 ميلليمەتر بولۋى ءتيىس.
سونداي-اق ماماندار پايدالانۋ مەرزىمى 5-6 جىلدان اسپايتىن شينالاردى قولدانۋعا كەڭەس بەرەدى. ويتكەنى ۋاقىت وتە كەلە رەزەڭكە ءوزىنىڭ سەرپىمدىلىك قاسيەتىن جوعالتىپ, پروتەكتورىنىڭ تەرەڭدىگى تالاپقا ساي بولعاننىڭ وزىندە جولداعى جۇكتەمەگە توتەپ بەرۋ قابىلەتى تومەندەۋى مۇمكىن.