ەلورداداعى LRT ىسكە قوسىلعان ەكى اپتا ىشىندە جاڭا كولىك جۇيەسىن 1 ميلليون ادام پايدالانىپ, كۇندەلىكتى جولاۋشىلار اعىنى 65-75 مىڭ ادامعا جەتتى. بۇل تۋرالى استانا اكىمى جەڭىس قاسىمبەك الەۋمەتتىك جەلىدەگى پاراقشاسىندا مالىمدەدى, دەپ جازادى Egemen.kz.
اكىمنىڭ ايتۋىنشا, بۇگىندە LRT قىزمەتىن كۇن سايىن شامامەن 65-75 مىڭ ادام پايدالانادى. بۇل كورسەتكىش جاڭا قوعامدىق كولىك ءتۇرىنىڭ ەلوردا تۇرعىندارى مەن قوناقتارى اراسىندا ۇلكەن سۇرانىسقا يە ەكەنىن كورسەتەدى.
جەڭىس قاسىمبەك جولاۋشىلارعا جاڭا كولىك جۇيەسىنە سەنىم ءبىلدىرىپ, ونى بەلسەندى پايدالانعانى ءۇشىن العىس ايتتى. سونداي-اق قالادا LRT جوباسىنىڭ ەكىنشى كەزەڭى باستالعانىن حابارلادى. جاڭا باعىت استانا مەن قوسشى قالاسىن بايلانىستىرادى دەپ جوسپارلانىپ وتىر.
الماتىدا LRT قاشان ىسكە قوسىلادى؟
اكىمنىڭ سوزىنشە, جوبانى ودان ءارى دامىتۋ ەلوردانىڭ كولىك ينفراقۇرىلىمىن كەڭەيتىپ, اگلومەراتسيا اۋماعىنداعى قاتىناستى جاقسارتۋعا مۇمكىندىك بەرەدى.