پاۆلودار وبلىسىندا ورىن العان جول-كولىك وقيعاسى سالدارىنان ءۇش ادام ءتۇرلى دەنە جاراقاتتارىمەن اۋرۋحاناعا جەتكىزىلدى, دەپ حابارلايدى Egemen.kz
الدىن الا مالىمەت بويىنشا, جولاۋشىلار مىنگەن تاكسي كولىگى جول جيەگىندەگى قورعانىس قورشاۋىنا سوعىلعان. اپات سالدارىنان كولىكتەگى ءۇش ادام زارداپ شەككەن.
زارداپ شەككەندەردىڭ اراسىندا 21 جاستاعى جولاۋشىنىڭ جاعدايى اسا اۋىر. دارىگەرلەر ونىڭ ءومىرىن ساقتاپ قالۋ ءۇشىن ەكى اياعىنا امپۋتاتسيا جاساۋعا ءماجبۇر بولعان. قازىرگى ۋاقىتتا ول جانساقتاۋ بولىمىندە ەم قابىلداپ جاتىر.
وقيعانىڭ ءمان-جايى انىقتالۋدا.