ورالدا ەر ادام ۇناتقان كولىگىن ەۆاكۋاتورمەن الىپ كەتكەن

تەرگەۋ مالىمەتىنشە, جەرگىلىكتى تۇرعىن كوپقاباتتى تۇرعىن ءۇيدىڭ اۋلاسىنان ءوتىپ بارا جاتىپ, تۇراقتا تۇرعان اۆتوكولىككە نازار اۋدارعان. ۇرى كولىكتىڭ ق ۇلىپتالماعانىن اڭعارعان. بىردەن سالونداعى زاتتاردى ەمەس, تۇتاس كولىكتى الىپ كەتۋدى ويلاعان.

الايدا كولىكتىڭ وتالدىرۋ كىلتى ورنىندا بولماعان. سوعان قاراماستان كۇدىكتى جوسپارىن جۇزەگە اسىرۋدان باس تارتپاي, ەۆاكۋاتور شاقىرىپ, كولىكتى ارقاننىڭ كومەگىمەن پلاتفورماعا تيەپ, ءوزى ايتقان مەكەنجايعا جەتكىزگەن.

ءبىراز ۋاقىتتان كەيىن كولىكتى ورال قالاسىنىڭ ماڭىنان پاترۋلدىك پوليتسيا باتالونىنىڭ قىزمەتكەرلەرى تاپتى. مەملەكەتتىك تىركەۋ نومىرلەرىن تەكسەرۋ بارىسىندا اۆتوكولىكتىڭ ىزدەۋدە جۇرگەنى انىقتالعان.

پوليتسيا دەپارتامەنتىنىڭ مالىمەتىنشە, ۇرلىق ءساتى بەينەباقىلاۋ كامەرالارىنا ءتۇسىپ قالعان. بەينەجازبالاردىڭ كومەگىمەن ءتارتىپ ساقشىلارى كولىكتى الىپ كەتكەن ەۆاكۋاتوردىڭ دەرەكتەرىن انىقتاپ, كۇدىكتىگە شىققان.

جاۋاپ الۋ كەزىندە ەر ادام بوتەن كولىكتى تەك ءمىنىپ ءجۇرۋ ماقساتىندا العانىن ايتقان.

اتالعان دەرەك بويىنشا سوتقا دەيىنگى تەرگەۋ باستالدى. پوليتسەيلەردىڭ ايتۋىنشا, اۆتوكولىك وزدىگىمەن جۇرگىزىلمەي, ەۆاكۋاتورمەن تاسىمالدانعاندىقتان, ءىس كولىك ايداپ كەتۋ ەمەس, م ۇلىك ۇرلىعى بابى بويىنشا قاراستىرىلىپ جاتىر.

قازىرگى ۋاقىتتا كۇدىكتى ەشقايدا كەتپەۋ تۋرالى قولحاتپەن بوساتىلعان.