قازاقستاندىق تەننيسشى زاڭعار نۇرلان ۇلى «رولان گارروستى» جەڭىسپەن باستادى

بۇگىن ءتۋرنيردىڭ 1/32 فينالىندا 17 جاستاعى قازاقستاندىق تەننيسشى ۇلىبريتانيا وكىلى مارك كەبانمەن كەزدەستى.

1 ساعات 37 مينۋتقا سوزىلعان ماتچتا زاڭعار نۇرلان ۇلى قارسىلاسىن ەكى سەتتە جەڭىپ, كەلەسى كەزەڭگە جولداما الدى. كەزدەسۋ 6:3, 6:4 ەسەبىمەن قازاقستاندىق سپورتشىنىڭ پايداسىنا اياقتالدى.

سەنساتسيالىق جەڭىلىس: ەلەنا رىباكينا  «رولان گارروستىڭ» ەكىنشى اينالىمىنان اسا المادى

ەندى وتانداسىمىز 1/16 فينالدا جاپونيالىق موتوحارۋ ابە مەن امەريكالىق اگاسسي راشەر اراسىنداعى ماتچتىڭ جەڭىمپازىمەن كەزدەسەدى.

ەستەرىڭىزگە سالايىق, ەرەسەكتەر اراسىندا «رولان گارروس» تۋرنيرىندە قازاقستان اتىنان سىنعا تۇسكەن  ەلەنا رىباكينا, الەكساندر بۋبليك, يۋليا پۋتينتسەۆا جانە الەكساندر شەۆچەنكو جارىس جولىن اياقتاعان ەدى. ازىرگە اننا دانيلينا عانا جەكەلەي ويىندا ونەر كورسەتىپ جاتىر.