اباي وبلىسىندا ادام ساۋداسىمەن اينالىسقان كوپبالالى انا سوتتالدى

سوت مالىمەتىنشە, 2024-2025 جىلدارى اياگوز قالاسىنىڭ تۇرعىنى الەۋمەتتىك جاعىنان وسال ادامداردى ىزدەگەن. ول ولاردىڭ سەنىمىنە كىرىپ, الداپ, پسيحولوگيالىق قىسىم كورسەتكەن. جۇمىسقا ورنالاستىرامىن دەگەن سىلتاۋمەن ولاردى شارۋا قوجالىقتارىنا جىبەرىپ, سول ءۇشىن بەرىلگەن الدىن الا تولەمدەردى وزىنە الىپ وتىرعان. ءىس بويىنشا بەس الاياقتىق انىقتالعان.

جابىرلەنۋشىلەر ايىپتالۋشىمەن سەمەي قالاسىندا, ۆوكزال مەن بازار ماڭىندا تانىسقان. تانىسۋ كەزىندە ولار ماس كۇيدە بولعان جانە ايەلدىڭ جۇمىس تاۋىپ بەرەمىن دەگەن ۋادەسىنە سەنگەن. كەيبىر جاعدايلاردا ايىپتالۋشى ولاردىڭ قوزعالۋ ەركىندىگىن شەكتەپ, قورقىتىپ, پسيحولوگيالىق قىسىم كورسەتىپ, ىشىمدىك ىشكىزگەن.

20,9 ملن تەڭگە تابىس: زاڭسىز ويىن بيزنەسىن ۇيىمداستىرعان سارىاعاش تۇرعىنى سوتتالدى

الدىن الا كەلىسىم بويىنشا شارۋا قوجالىقتارىنىڭ باسشىلارى ايەلدىڭ جەكە ەسەپشوتىنا 100 مىڭنان 400 مىڭ تەڭگەگە دەيىن اقشا اۋدارىپ وتىرعان.

ايىپتالۋشى ءوز كىناسىن تولىق مويىنداپ, جاساعان ىسىنە وكىنەتىنىن ءبىلدىردى, كەلتىرىلگەن شىعىندى وتەگەنىن جانە جابىرلەنۋشىلەرمەن تاتۋلاسقانىن ايتتى. جابىرلەنۋشىلەر دە ونى كەشىرگەندەرىن ايتىپ, باس بوستاندىعىنان ايىرماۋدى سۇراعان.

جەڭىلدەتەتىن ءمان-جايلار رەتىندە:

كىناسىن تولىق مويىنداۋى وكىنۋى شىعىندى وتەۋى جابىرلەنۋشىلەرمەن تاتۋلاسۋى جاسى «كۇمىس القا» ناگراداسىنىڭ بولۋى

ەسكەرىلدى. اۋىرلاتاتىن ءمان-جايلار انىقتالماعان.

سوت ۇكىمىمەن ايىپتالۋشى كىنالى دەپ تانىلىپ, وعان ورتاشا قاۋىپسىزدىك مەكەمەسىندە وتەۋ ءۇشىن 6 جىل باس بوستاندىعىنان ايىرۋ جازاسى تاعايىندالدى.

14 قىلمىستى جاسىرعان: الماتىدا بۇرىنعى پوليتسەي سوتتالدى

وبلىستىق سوتتىڭ قىلمىستىق ىستەر جونىندەگى سوت القاسى ۇكىمدى وزگەرىسسىز قالدىردى. ۇكىم زاڭدى كۇشىنە ەندى.