اباي وبلىسىنىڭ اقتوعاي ستانتسياسىندا سالىنىپ جاتقان تەمىرجول نىساندارىنىڭ بىرىندە كورشى ەلدەن كەلگەن بەس شەتەل ازاماتى زاڭسىز جۇمىس ىستەگەن. ولاردى جەرگىلىكتى كولىك پوليتسياسى رەيد كەزىندە انىقتادى, دەپ حابارلايدى Egemen.kz.
شەتەلدىك ازاماتتار جەرگىلىكتى اتقارۋشى ورگاننىڭ ءتيىستى رۇقساتىنسىز ەڭبەككە تارتىلعان. اتالعان جايتقا بايلانىستى مەردىگەر كومپانيا اكىمشىلىك جاۋاپكەرشىلىككە تارتىلىپ, 100 ايلىق ەسەپتىك كورسەتكىش مولشەرىندە ايىپپۇل ارقالاعان.
«سونىمەن قاتار بەس شەتەل ازاماتى دا كوشى-قون زاڭناماسىن بۇزعانى ءۇشىن جاۋاپقا تارتىلدى. سوت شەشىمىمەن ولاردىڭ تورتەۋىنە ايىپپۇل سالىنسا, ءبىر ازاماتقا 1 تاۋلىك اكىمشىلىك قاماۋ جازاسى تاعايىندالدى» دەلىنگەن ءىىم حابارلاماسىندا.
تەڭىزدەگى تەكسەرىس: 27 شەتەلدىك قازاقستاننان شىعارىلدى
ەسكە سالا كەتەيىك, بۇعان دەيىن ءبىر كەلى ەسىرتكىنى جۇتىپ, ەل اۋماعىنا وتپەك بولعان شەتەلدىك ۇستالعان بولاتىن.