اقش پەن مەكسيكا شەكاراسىندا ۇزىندىعى شامامەن 600 مەتر بولاتىن جاسىرىن تۋننەل انىقتالدى. تەرگەۋ بارىسىندا ءتورت ادام ۇستالىپ, قۇنى 45 ميلليون دوللاردان اساتىن ءبىر توننادان استام كوكاين تاركىلەندى, دەپ حابارلايدى Egemen.kz.
اقش قۇقىق قورعاۋ ورگاندارى بىرنەشە ايعا سوزىلعان ارنايى وپەراتسيا ناتيجەسىندە سان-ديەگو قالاسىنىڭ وتاي-مەسا اۋدانى مەن مەكسيكانىڭ تيحۋانا قالاسىن جالعاعان جەراستى تۋننەلىن انىقتادى.
تەرگەۋ مالىمەتىنشە, تۋننەلدىڭ ۇزىندىعى شامامەن 600 مەتردى قۇرايدى جانە ول ەسىرتكى زاتتارىن زاڭسىز تاسىمالداۋ ءۇشىن پايدالانىلعان بولۋى مۇمكىن.
شەتەلدەن ەسىرتكى تاسىمالداعان ايەل باس بوستاندىعىنان ايىرىلدى
ارنايى وپەراتسيا بارىسىندا ءتورت كۇدىكتى قولعا ءتۇستى. سونىمەن قاتار قۇقىق قورعاۋشىلار ءبىر توننادان استام كوكاين تاركىلەگەن. ساراپشىلاردىڭ باعالاۋىنشا, ونىڭ قارا نارىقتاعى قۇنى 45 ميلليون دوللاردان اسادى.
كۇدىكتىلەرگە ەسىرتكى كونترابانداسى جانە زاڭسىز ترانسشەكارالىق تۋننەلدى پايدالانۋ باپتارى بويىنشا ايىپ تاعىلدى. ەگەر ولاردىڭ كىناسى دالەلدەنسە, ءومىر بويىنا باس بوستاندىعىنان ايىرىلۋى مۇمكىن.
الماتى وبلىسىندا ەسىرتكى زەرتحاناسى جويىلدى
اقش بيلىگى بۇل وپەراتسيانى وڭىردەگى ەسىرتكى تاسىمالىنا قارسى كۇرەستەگى ماڭىزدى جەتىستىكتەردىڭ ءبىرى دەپ باعالاپ وتىر.