الداعى كۇندەرى رەسپۋبليكانىڭ باسىم بولىگىندە تۇراقسىز اۋا رايى ساقتالادى. سينوپتيكتەردىڭ بولجامى بويىنشا, ەلىمىزدە جاڭبىر جاۋىپ, نايزاعاي ويناپ, جەل كۇشەيەدى. سونداي-اق كەي جەرلەردە بۇرشاق جاۋىپ, داۋىل تۇرۋى مۇمكىن, دەپ حابارلايدى Egemen.kz.
سينوپتيكتەر 4 ماۋسىمدا باتىس ايماقتاردا, 4-5 ماۋسىمدا ەلدىڭ سولتۇستىك-باتىسى مەن سولتۇستىگىندە, 6 ماۋسىمدا رەسپۋبليكانىڭ وڭتۇستىك-شىعىسىندا جاڭبىر جاۋادى دەپ بولجايدى. ال قازاقستاننىڭ شىعىسى مەن وڭتۇستىگىندە عانا اۋا رايى نەگىزىنەن جاۋىن-شاشىنسىز بولادى دەپ كۇتىلەدى.
باتىس, سولتۇستىك-باتىس جانە سولتۇستىك وڭىرلەردە كۇندىز اۋا تەمپەراتۋراسى +22...+30°C-قا دەيىن جىلىنادى.
سولتۇستىك-شىعىس پەن شىعىستا +30...+37°C-قا دەيىنگى اپتاپ ىستىق ساقتالادى.
وڭتۇستىك-شىعىستا اپتاپ ىستىقتىڭ بەتى قايتىپ, اۋا تەمپەراتۋراسى +25...+33°C شاماسىندا بولادى.
ەسكە سالا كەتەيىك, «قازگيدرومەت» ۇسىنعان بولجامعا سايكەس, ماۋسىم جانە تامىز ايلارى ادەتتەگىدەن ىستىق بولادى. قازاقستان اۋماعىندا اۋا تەمپەراتۋراسى كليماتتىق نورمادان 1-2 گرادۋسقا جوعارى بولۋى مۇمكىن. ەلدىڭ وڭتۇستىگىندە كەي كۇندەرى اۋا تەمپەراتۋراسى +45 گرادۋسقا دەيىن كوتەرىلەدى.