تانىمال تۋريستىك كومپانيا الاياقتىق جاسادى دەگەن كۇدىككە ءىلىندى

Ktk.kz مالىمەتىنشە, قولجەتىمدى باعالار مەن الەۋمەتتىك جەلىلەردەگى جاقسى پىكىرلەر ادامداردى وسى كومپانياعا سەنۋگە يتەرمەلەگەن.

الماتى تۇرعىنى گاۋھار ماراتقىزىنىڭ ايتۋىنشا, ماۆريكي مەن ۇندىستانعا تۋر برونداپ, 50 پايىز الدىن الا تولەم جاساعان. تۋرلارى 4 جانە 10 مامىرعا جوسپارلانعان. 2 ناۋرىزدا 400 مىڭ تەڭگە تولەگەن.

«ۇشۋعا 3-4 كۇن قالعاندا: «نەلىكتەن چات ءالى اشىلمادى؟» دەپ سۇرادىم. كەيىن ولار: «كەشىرىڭىز, چاتىڭىز جوعالىپ كەتىپتى, تابا المادىق. توپ تولىق جينالماعاندىقتان, تۋرىڭىز توقتاتىلدى», دەپ جاۋاپ بەردى», دەيدى گ. ماراتقىزى.

ال شەتەلگە بارىپ ۇلگەرگەن تۋريستەردىڭ جاعدايى ودان دا قيىن بولعان.

«مەن ەكى بالاممەن جانە زەينەت جاسىنداعى ۇلكەن كىسىلەرمەن بىرگە بولدىم. ءبىزدى تۇنگى ساعات ۇشتە قىتايدىڭ چەندۋ قالاسىندا, بوتەن ەلدە, ءتىل بىلمەيتىن جاعدايدا تاستاپ كەتتى. كومپانيا وكىلى 14 ءتۋريستىڭ تەك 5-ەۋىنە عانا بيلەت ساتىپ الىنعانىن ايتتى», دەيدى اقنيەت نۇرمۇحامەدوۆا.

راقىمشىلىق دۇرىس قولدانىلماعان: تۇركيا مەن ەگيپەتكە جالعان جولداما ساتقان الاياق قايتادان سوتتالدى

كومپانيا باسشىسى جاعدايعا بايلانىستى ءوز پىكىرىن بىلدىرگەن, ماسەلە تەحنيكالىق اقاۋدان تۋىنداعان.

«11 مامىر كۇنى ءبىزدىڭ WhatsApp پەن Instagram جەلىلەرى ءبىر مەزەتتە جۇمىسىن توقتاتتى. سالدارىنان كوپتەگەن كليەنتتەر بىزبەن بايلانىسا المادى. سول كەزەڭدە كوپتەگەن تۋرلار جۇزەگە اسپاي قالدى, بۇل جانجالعا سەبەپ بولدى. قازىر كەيبىر كليەنتتەرگە قاراجاتتىڭ ءبىر بولىگى تولەندى, ال كەيبىرىمەن تولىق ەسەپ ايىرىستىق», دەيدى ەركەبۇلان ايمۇرات ۇلى.

كليەنتتەر جاپپاي پوليتسياعا ارىز ءتۇسىرىپ جاتىر.

قىلمىستىق كودەكستىڭ 190-بابى 3-بولىگى 3-تارماعى بويىنشا قىلمىستىق ءىس قوزعالىپ, سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلگەن. ارىزبەن جۇگىنگەن بارلىق ازاماتتاردىڭ وتىنىشتەرى قابىلدانعان.

كومپانيا باسشىلىعى اقشانى قايتارۋعا ۋادە بەرگەنىمەن, زارداپ شەككەندەر قاتاڭ شارا قولدانۋدى تالاپ ەتىپ وتىر.

قوستانايلىقتار تۋريستىك كومپانياعا 40 ملن تەڭگەگە الدانىپ قالدى