شىعىس قازاقستان وبلىسىنىڭ اكىمى نۇرىمبەت ساقتاعانوۆ ءوزىنىڭ ءبىرىنشى ورىنباسارىنا قاتىستى سىبايلاس جەمقورلىق ءىسى بويىنشا سوت ۇكىمى كۇشىنە ەنگەننەن كەيىن وتستاۆكاعا ءوتىنىش بەردى. الايدا ءوڭىر باسشىنىڭ ءوتىنىشى قابىلدانباعان, دەپ حابارلايدى Egemen.kz.
ايماق باسشىسىنىڭ ءباسپاسوز حاتشىسى لاۋرا جاقىپوۆانىڭ مالىمەتىنشە, وبلىس اكىمى قولدانىستاعى زاڭناماعا سايكەس ءوز ەركىمەن جۇمىستان كەتۋگە ءوتىنىش جازعان. زاڭدا تىكەلەي باعىنىشتى قىزمەتكەرى سىبايلاس جەمقورلىق قىلمىسىنا سوتتالعان جاعدايدا باسشىلار وتستاۆكاعا ءوتىنىش بەرۋى ءتيىس ەكەندىگى كورسەتىلگەن.
6 جىلعا سوتتالعان جاقسىلىق ومار مەرزىمىنەن بۇرىن بوساپ شىعا الا ما؟ پروكۋراتۋرا تۇسىنىكتەمە بەردى
ايتا كەتەيىك, بۇعان دەيىن وبلىس اكىمىنىڭ ءبىرىنشى ورىنباسارى جاقسىلىق ومار سىبايلاس جەمقورلىق بويىنشا 6 جىلعا سوتتالعان ەدى. تەرگەۋ مالىمەتىنە سايكەس, ول «ماتەريالدىق كومەك» رەتىندە راسىمدەلگەن قارجىعا قۇنى شامامەن 13 ملن تەڭگە بولاتىن 2021 جىلعى Toyota Camry كولىگىن العان.