سەمەي تۇرعىنى تانىسىنا اقشا قارىز بولعان. بىراق ونى بەلگىلەنگەن مەرزىمدە قايتارا الماعان. قارىز بەرۋشى كەزەكتى رەت اقشاسىن قايتارۋدى تالاپ ەتكەن. ونى 51 جاستاعى ەر ادام بالاعاتتاعان. ناقتى ايتقاندا, وعان ورەسكەل تۇردە ءتىل تيگىزگەن داۋىستىق حابارلاما جىبەرگەن, دەپ جازادى Egemen.kz.
سوت ونى كىنالى دەپ تانىپ, 20 ساعات قوعامدىق جۇمىسقا جەگۋ جازاسىن تاعايىندادى. ول سەمەي قالالىق پروباتسيا قىزمەتىنىڭ ەسەبىنە الىندى.
جازانى وتەۋ ءۇشىن ەر ادام قالاداعى جىلۋ-ەلەكتر ورتالىعىنا (جەو) جۇمىسقا ورنالاستىرىلعان. ول مەكەمە اۋماعىن تازالاۋ جۇمىستارىن جۇرگىزىپ, سوت جۇكتەگەن مىندەتتەردى اتقارىپ ءجۇر.
69 مىڭ تەڭگە ايىپپۇل بالاعاتتى ازايتا ما؟
پروباتسيا قىزمەتىنىڭ حابارلاۋىنشا, قوعامدىق جۇمىستار سوتتالعاندارعا ءوز ءىس-ارەكەتتەرىنىڭ سالدارىن تۇسىنۋگە, الەۋمەتتىك بايلانىستاردى ساقتاۋعا جانە ەڭبەكپەن قامتىلۋعا مۇمكىندىك بەرەدى.
قازاقستاندا بالاعات سوزدەر مەن قوقىس تاستاعانى ءۇشىن سالىناتىن ايىپپۇل مولشەرى ءوستى