اقتوبەدە كوشەدە پاكەت ىشىنەن تابىلعان جاڭا تۋعان نارەستەنى سابيلەر ۇيىنە اۋىستىرۋعا دايىندىق جۇمىستارى جۇرگىزىلىپ جاتىر. دارىگەرلەردىڭ ايتۋىنشا, بالانىڭ جاعدايى بىرتىندەپ جاقسارىپ كەلەدى. نارەستەگە باتىر ەسىمى بەرىلگەن ەكەن, دەپ جازادى Egemen.kz.
قازىر ءسابي بالالار اۋرۋحاناسىندا ەم قابىلداپ جاتىر. اۋرۋحاناعا تۇسكەن كەزدە ونىڭ سالماعى 2 كەلى 900 گرامم بولسا, بۇگىندە 3 كەلىدەن استى. دارىگەرلەردىڭ ايتۋىنشا, بالانىڭ جاعدايى ءالى دە ورتاشا اۋىر دەپ باعالانعانىمەن, بارلىق تالداۋ ناتيجەلەرى قالىپتى كورسەتكىشتەرگە جەتكەن.
وسىدان شامامەن 10 كۇندەي بۇرىن جاڭا تۋعان نارەستە قالا شەتىندەگى اعاش تۇبىنەن تابىلعان.
بالانى قۇربىسىمەن سەرۋەندەپ جۇرگەن مەكتەپ وقۋشىسى بايقاپ قالعان. ولار جەدەل جاردەمگە جانە پوليتسياعا حابار بەرگەن. نارەستەنىڭ اناسى ءالى تابىلعان جوق.
استانادا 19 جاستاعى بويجەتكەن جاڭا تۋعان ءسابيىن ساتىپ جىبەرگەن
اقتوبە وبلىستىق دەنساۋلىق ساقتاۋ باسقارماسى ءبولىمىنىڭ باسشىسى اليا شارباكوۆانىڭ ايتۋىنشا, ءسابيدىڭ سالماعى جاس ەرەكشەلىگىنە سايكەس قالىپتى تۇردە ءوسىپ كەلەدى. قورعانشىلىق ورگاندارى مەن پوليتسيا وكىلدەرىمەن بىرلەسىپ قاجەتتى قۇجاتتار راسىمدەلىپ جاتىر. بارلىق راسىمدەر اياقتالعاننان كەيىن بالا ء«ۇمىت» بالالار ءۇيى مەكەمەسىنە جىبەرىلەدى.
ەسكە سالايىق, بۇعان دەيىن پاۆلودار وبلىسىندا جاڭا تۋعان ءسابيىن ساتپاق بولعان ايەلدىڭ زاڭسىز ارەكەتى اشكەرەلەنگەن.