جۋىردا شىڭعىستاۋعا شىعىپ قايتقانبىز. مىناۋ تاڭبالى تاستاردى اباي اتامىزدىڭ دوسى ءارى زامانداسى جيرەنشەنىڭ قىستاۋى ورنالاسقان قوڭىراۋتاس ماڭىنان كەزىكتىردىك.
شىڭعىستاۋ – قازاق رۋحانياتىنىڭ عانا ەمەس, كونە وركەنيەتتىڭ دە ءىزى مول ساقتالعان ساكرالدى كەڭىستىك. بۇل ءوڭىردىڭ تاۋ-تاسىندا قولا داۋىرىنەن باستاپ ەرتە تەمىر, عۇن, ساق, تۇركى كەزەڭدەرىنە دەيىنگى پەتروگليفتەر كوپتەپ كەزدەسەدى. اباي, شاكارىم, مۇحتار تۋعان كيەلى تاۋ تاسقا قاشالعان تاريحىمەن دە قۇندى بولسا كەرەك.
بۇل ماڭگىتاستار – ەجەلگى ادامداردىڭ دۇنيەتانىمىن, عۇرىپتىق نانىم-سەنىمىن بەينەلەيتىن پوەزيا ءتارىزدى. ال اكادەميك قانىش ساتباەۆ: «تاڭبالى تاستار – قازاق حالقىنىڭ ەڭ العاشقى مەملەكەتى قالىپتاسقان كەزەڭنەن جەتكەن, تاسقا تۇسكەن دالا كونستيتۋتسياسى», دەپتى.
بەلگيالىق ارحەولوگ, پەتروگليف زەرتتەۋشى دەوم جان-مارك بۇل بەينەلەرگە قاتىستى: «جوعارعى بولىگىندە بۇعى بەينەلەنگەن, تومەنگى جاعىندا – كۇن باستى ادامنىڭ سىزبالىق (سىزىقتىق) بەينەسى كورسەتىلگەن. بۇل قولا داۋىرىنە ءتان جادىگەرلەر بولسا كەرەك», دەيدى.
كۇنباستى ءتاڭىر, ءمۇيىزدى پىراق, اياعى كوككە قاراعان جىلقى ارعى دۇنيەمەن بايلانىستى دەسە, تاۋەشكى تورە تاڭبا ەكەنى تۇسىنىكتى.
اباي وبلىسى