Meta كومپانياسىنىڭ قىزمەتكەرلەرى Instagram جەلىسىندەگى حاكەرلەر شابۋىلىنا ۇشىرادى. كيبەرالاياقتار پايدالانۋشىلاردىڭ جەكە دەرەكتەرىنە جاساندى ينتەلەكت ارقىلى قول جەتكىزگەن, دەپ حابارلايدى Egemen.kz.
ناقتىراق ايتساق, شابۋىلداۋشىلار وزدەرىنىڭ ورنالاسقان جەرى تۋرالى دەرەكتەردى قولدان وزگەرتىپ, جاساندى ينتەللەكت ارقىلى اككاۋنتتارعا تىركەلگەن ەلەكتروندىق پوشتا مەكەنجايلارىن اۋىستىرعان.
قازىرگى ۋاقىتتا شابۋىلدان قانشا اككاۋنت زارداپ شەككەنى بەلگىسىز. الايدا كيبەرشابۋىلعا ۇشىراعانداردىڭ قاتارىندا اقش-تىڭ بۇرىنعى پرەزيدەنتى باراك وبامانىڭ دا اككاۋنتى بار.
كيبەرشابۋىل تۋرالى العاشقىلاردىڭ ءبىرى بولىپ Meta كومپانياسىنىڭ بۇرىنعى قىزمەتكەرى دجەين مانچۋن ۆونگ مالىمدەدى. ونىڭ ايتۋىنشا, اككاۋنتىنىڭ قۇپياسوزى ءوز كەلىسىمىنسىز وزگەرتىلگەن. سونداي-اق ول ءبىر كۇن بويى قۇپياسوزدى قالپىنا كەلتىرۋ ارەكەتتەرى تۋرالى حابارلامالار العانىن ايتقان.
اتىراۋلىق حاكەرگە حالىقارالىق ىزدەۋ جاريالاندى
Meta وكىلى ەندي ستوۋن ماسەلەنىڭ جويىلعانىن مالىمدەدى.
«ماسەلە شەشىلدى, قازىر ءبىز زارداپ شەككەن اككاۋنتتاردى قورعاۋ ءۇشىن قاجەتتى شارالاردى قابىلداپ جاتىرمىز», دەدى ول.
دەگەنمەن كومپانيا وكىلى الەمدىك كوشباسشىلاردىڭ اككاۋنتتارى بۇزىلدى دەگەن اقپاراتتى راستاۋدان باس تارتتى.
ەسكە سالا كەتەيىك, بۇعان دەيىن وسىنداي كيبەرشابۋىل Spotify ستريمينگتىك سەرۆيسىندە دە ورىن العان بولاتىن.