جاڭا كونستيتۋتسياعا بايلانىستى راقىمشىلىق تۋرالى زاڭدى قابىلداۋ ازاماتتارعا سوت ورىنداۋشىلارىنا جۇگىنبەي-اق م ۇلىك پەن بانك شوتتارىنا قويىلعان شەكتەۋ شارالارىن الىپ تاستاۋعا مۇمكىندىك بەرەدى. بۇل تۋرالى ءماجىلىس دەپۋتاتى قايرات بالابيەۆ ءوز بايانداماسىندا ايتتى, دەپ حابارلايدى Egemen.kz.
دەپۋتاتتىڭ ايتۋىنشا, زاڭ جوباسىنىڭ باستى ماقساتتارىنىڭ ءبىرى – قىلمىستىق ساياساتتى ىزگىلەندىرۋ جانە العاشقى اكىمشىلىك راقىمشىلىق اياسىندا حالىقتىڭ بورىشتىق جۇكتەمەسىن ازايتۋ.
بالابيەۆتىڭ سوزىنشە, اكىمشىلىك قۇقىق بۇزۋشىلىق تۋرالى كودەكستە ۋاكىلەتتى ورگاندار شىعارعان اكىمشىلىك جازا قولدانۋ تۋرالى قاۋلىلاردىڭ ورىندالۋىن توقتاتۋ ءتارتىبىن رەتتەيتىن نورمالار قاراستىرىلعان.
ەلىمىزدە سوتتالعان ازاماتتاردىڭ قانشاسى راقىمشىلىققا ىلىگەدى؟
سونىمەن قاتار, «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» زاڭدا راقىمشىلىق اكتىسى قولدانىلعان جاعدايدا اتقارۋشىلىق ءىس جۇرگىزۋدى توقتاتۋعا نەگىز بولاتىن نورمالار بار.
«بۇل نورمالار ازاماتتارعا سوت ورىنداۋشىسىنا جۇگىنبەي-اق م ۇلىك پەن بانك شوتتارىنا قويىلعان شەكتەۋ شارالارىن الىپ تاستاۋعا مۇمكىندىك بەرەدى. بۇدان بولەك, اتقارۋشىلىق ءىس جۇرگىزۋ راقىمشىلىق اكتىسى نەگىزىندە توقتاتىلعان جاعدايدا ازاماتتار اتقارۋشىلىق سانكتسيالار مەن جەكە سوت ورىنداۋشىسىنىڭ قىزمەتىنە تولەنەتىن قوسىمشا شىعىنداردان بوساتىلادى», دەپ اتاپ ءوتتى دەپۋتات.
ونىڭ ايتۋىنشا, ۇسىنىلىپ وتىرعان وزگەرىستەر ءراسىمدى جەڭىلدەتىپ قانا قويماي, ازاماتتاردىڭ قارجىلىق جۇكتەمەسىن دە ەداۋىر ازايتادى.
قازاقستاندا كىمدەردىڭ اكىمشىلىك جازالارى تولىقتاي كەشىرىلەدى؟
قىلمىستىق-اتقارۋ جۇيەسىندە قانداي وزگەرىستەر كۇتىلەدى؟بالابيەۆ زاڭ جوبالارىن قابىلداۋ قىلمىستىق-اتقارۋ سالاسىنداعى بىرقاتار جۇيەلى ماسەلەنى شەشۋگە مۇمكىندىك بەرەتىنىن دە ايتتى.
اتاپ ايتقاندا, راقىمشىلىققا ىلىكپەيتىن ادامداردى ۇستاۋ جاعدايلارىن جاقسارتۋ, مەكەمەلەردەگى تۇرمىستىق جانە ماتەريالدىق-تەحنيكالىق قامتاماسىز ەتۋدى, سونداي-اق مەديتسينالىق-سانيتارلىق جاعدايلاردى جەتىلدىرۋ كوزدەلىپ وتىر.
ءماجىلىستىڭ جالپى وتىرىسىندا قانداي ماسەلەلەر قارالادى؟
سونىمەن بىرگە, بوسايتىن بيۋدجەت قاراجاتىن قىلمىستىق-اتقارۋ جۇيەسىن دامىتۋعا جانە جازانى ورىنداۋدىڭ حالىقارالىق ستاندارتتارىن ەنگىزۋگە باعىتتاۋ جوسپارلانعان.
راقىمشىلىق – قۇقىق بۇزۋشىلىقتىڭ الدىن الۋ قۇرالىدەپۋتات راقىمشىلىقتىڭ تەك قۇقىقتىق تەتىك قانا ەمەس, سونىمەن بىرگە قۇقىق بۇزۋشىلىقتاردىڭ الدىن الۋدىڭ ماڭىزدى قۇرالى ەكەنىن اتاپ ءوتتى.
ء«وز قاتەلىگىن ءتۇسىنىپ, تۇزەلۋگە مۇمكىندىك العان ادام قىلمىستى قايتا جاساۋعا ازىراق بەيىم بولادى», دەدى ول.
بالابيەۆتىڭ ايتۋىنشا, راقىمشىلىق مەملەكەتتىڭ تەك جازالاي الاتىنىن عانا ەمەس, سونىمەن قاتار تۇزەتە الاتىنىن, قۇقىق بۇزۋشىلىقتاردىڭ الدىن الىپ, الەۋمەتتىك ادىلەتتىلىكتى قالپىنا كەلتىرە الاتىنىن كورسەتەدى.
«راقىمشىلىق – مەملەكەتتىڭ السىزدىگى ەمەس, زاڭنىڭ تەك جازالاپ قانا قويماي, تۇزەتۋگە, الدىن الۋعا جانە الەۋمەتتىك ادىلەتتىلىكتى قالپىنا كەلتىرۋگە قابىلەتتى ەكەنىن اڭعارتاتىن كۇشتى مەملەكەتتىڭ كورىنىسى», دەدى دەپۋتات.
ول قارالىپ جاتقان زاڭ جوبالارى كونستيتۋتسيالىق رەفورمالاردىڭ رۋحىنا, ادىلەتتى قازاقستان قۇرۋ مىندەتتەرىنە جانە ەل ازاماتتارىنىڭ مۇددەلەرىنە تولىق سايكەس كەلەتىنىن قوستى.