استانادا پارلامەنت ءماجىلىسىنىڭ جالپى وتىرىسى ءوتىپ جاتىر. جيىندا بىرقاتار ماڭىزدى زاڭ جوبالارى قارالادى, دەپ حابارلايدى Egemen.kz.
دەپۋتاتتار ءبىرىنشى وقىلىمدا قازاقستاننىڭ جاڭا كونستيتۋتسياسىن قابىلداۋعا بايلانىستى راقىمشىلىق جاساۋ تۋرالى زاڭ جوباسىن, سونداي-اق وسى ماسەلەگە قاتىستى «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» زاڭعا جانە اكىمشىلىك قۇقىق بۇزۋشىلىق تۋرالى كودەكسكە ەنگىزىلەتىن وزگەرىستەردى تالقىلايدى.
سونىمەن قاتار ءبىرىنشى وقىلىمدا كەدەندىك رەتتەۋ ماسەلەلەرى بويىنشا تۇزەتۋلەر, بال ارا شارۋاشىلىعىن دامىتۋعا باعىتتالعان زاڭ جوباسى قارالادى.
ەكىنشى وقىلىمعا نوتارياتتىق قىزمەت, پسيحولوگيالىق قىزمەت, تەحنيكالىق جانە كاسىپتىك ءبىلىم بەرۋ جۇيەسىن جەتىلدىرۋ, حالىقتىڭ كوشى-قونى, توپىراقتى قورعاۋ جانە جەرگىلىكتى مەملەكەتتىك باسقارۋ ماسەلەلەرىنە قاتىستى زاڭ جوبالارى شىعارىلعان.
بۇدان بولەك, دەپۋتاتتار راديواكتيۆتى قالدىقتارمەن جۇمىس ىستەۋ تۋرالى زاڭ جوباسىن جانە وسى سالاعا قاتىستى بىرقاتار زاڭنامالىق تۇزەتۋلەردى قاراماق.
ەسكە سالا كەتەيىك, ءماجىلىس بۇعان دەيىن ماشينا جاساۋ, نوتارياتتىق قىزمەت پەن سالىق كودەكسىنە قاتىستى بىرقاتار زاڭ جوبالارىن قابىلداعان بولاتىن.