ءماجىلىس «قازاقستان رەسپۋبليكاسىنداعى كەدەندىك رەتتەۋ تۋرالى» كودەكسكە وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا ماقۇلدادى. قۇجات ۇلتتىق زاڭنامانى ەۋرازيالىق ەكونوميكالىق وداقتىڭ كەدەن كودەكسى تۋرالى شارتقا ەنگىزىلەتىن تۇزەتۋلەرگە سايكەس كەلتىرۋگە باعىتتالعان.
جاڭا زاڭ جوباسى اياسىندا ەلەكتروندىق ساۋدا تاۋارلارىن جەكە ساناتقا ءبولۋ كوزدەلىپ وتىر. سونىمەن قاتار قۇجات ەلەكتروندىق ساۋدا وپەراتورلارىنىڭ قىزمەتى ءۇشىن قۇقىقتىق نەگىز قالىپتاستىرماق.
ولاردىڭ فۋنكتسيالارىنا جەكە تۇلعالاردىڭ ينتەرنەت-الاڭداردا تاۋارلاردى ساتىپ الۋ جونىندەگى وپەراتسيالارىنىڭ لوگيستيكاسىن قامتاماسىز ەتۋ, سونداي-اق كەدەندىك دەكلاراتسيالاۋ جانە ەلەكتروندىق ساۋدا تاۋارلارىن ساقتاۋ پروتسەستەرىنىڭ ساقتالۋ ماسەلەلەرى بويىنشا ينتەرنەت-الاڭدارمەن جانە كەدەن ورگاندارىمەن ءوزارا ءىس-ارەكەتتى جۇزەگە اسىرۋ كىرەدى.بۇدان بولەك, تۇزەتۋلەرمەن ەۋرازيالىق ەكونوميكالىق وداققا مۇشە مەملەكەتتەردەگى ەلەكتروندىق ساۋدانى قۇقىقتىق رەتتەۋدى جەتىلدىرۋ كوزدەلەدى.
ەسكە سالا كەتەيىك, بۇگىن استانادا پارلامەنت ءماجىلىسىنىڭ جالپى وتىرىسى ءوتىپ جاتىر. ەلىمىزدە العاش رەت قىلمىستىق راقىمشىلىقپەن قاتار اكىمشىلىك راقىمشىلىق جۇرگىزىلمەك.