كولىكتەگى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل ءبولىمىنىڭ قىزمەتكەرلەرى 2025 جىلعى جەلتوقساندا الماتى حالىقارالىق اۋەجايىندا بانگكوك – الماتى باعىتى بويىنشا كەلگەن رەيستەن كەيىن جامبىل وبلىسىنىڭ 23 جاستاعى تۇرعىنىن ۇستاعان, دەپ حابارلايدى Egemen.kz.
ايەل جەدەل-تەرگەۋ ءىس-شارالارى بارىسىندا ۇستالعان. ونىڭ چەمودانىنان جالپى سالماعى 8 كگ 879 گرامم گاشيش مايى تابىلىپ, تاركىلەندى. سوتقا دەيىنگى تەرگەپ-تەكسەرۋ جۇمىستارى جۇرگىزىلدى.
ءبىر كەلى ەسىرتكى جۇتقان: قازاقستانعا اپيىن وتكىزبەك بولعان شەتەلدىك ۇستالدى
تەرگەۋ بارىسىندا كۇدىكتىنىڭ ءوز ارەكەتتەرىنىڭ زاڭعا قايشى ەكەنىن جانە ونىڭ قۇقىقتىق سالدارىن تولىق تۇسىنە وتىرىپ, الدىن الا ءسوز بايلاسۋ ارقىلى اقشالاي سىياقى ءۇشىن قازاقستان رەسپۋبليكاسىنىڭ مەملەكەتتىك شەكاراسى ارقىلى ەسىرتكى زاتتارىن زاڭسىز تاسىمالداۋعا, سونداي-اق ولاردى اسا ءىرى مولشەردە وتكىزۋ ماقساتىندا ساقتاۋعا جانە جونەلتۋگە كەلىسكەنى انىقتالدى.
الماتى قالاسىنىڭ مامانداندىرىلعان اۋدانارالىق قىلمىستىق سوتىنىڭ ۇكىمىمەن ول كىنالى دەپ تانىلىپ, 16 جىلعا باس بوستاندىعىنان ايىرىلدى.
بۇعان دەيىن الماتى وبلىسىندا ەسىرتكى زەرتحانالارىنىڭ بىرى جويىلعانى ايتىلعان.