ءماجىلىس ەكىنشى وقىلىمدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە نوتارياتتىق قىزمەت ماسەلەلەرى جانە زاڭ كومەگى ماسەلەلەرى بويىنشا بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قابىلدادى, دەپ حابارلايدى Egemen.kz.
جاڭا قۇجات نوتاريات تۋرالى زاڭنامانى جەتىلدىرۋگە جانە اتالعان قىزمەتكە مەملەكەتتىك باقىلاۋدى كۇشەيتۋگە باعىتتالعان.
نەگىزگى وزگەرىستىڭ ءبىرى – اتقارۋشىلىق جازباۋدى ورىنداۋ تەتىگىن وزگەرتۋ. ءوندىرىپ الۋشىعا اتقارۋشىلىق جازبا بەرۋ جانە جەكە سوت ورىنداۋشىسىن تاڭداۋ مۇمكىندىگى الىنىپ تاستالادى. جازباشا مامىلەگە نەگىزدەلگەن مىندەتتەمەلەر بويىنشا اتقارۋشىلىق جازبالار اۆتوماتتى تۇردە تاراتىلاتىن بولادى.
دەپۋتات زاڭ بۇزعان نوتاريۋستاردى ليتسەنزياسىنان ايىرۋدى تالاپ ەتتى
زاڭ شەڭبەرىندە, زاڭنامانى بۇزعان نوتاريۋستاردىڭ جاۋاپكەرشىلىگى كۇشەيتىلەدى. دەربەس دەرەكتەر جانە ولاردى قورعاۋ تۋرالى زاڭناما تالاپتارىن بۇزۋ, سونداي-اق بىرىڭعاي نوتارياتتىق اقپاراتتىق جۇيەگە مالىمەتتەردى ەنگىزۋ مەرزىمدەرىن بىرنەشە رەت بۇزۋ ليتسەنزيانىڭ قولدانىسىن توقتاتا تۇرۋعا قوسىمشا نەگىز بولادى. بۇدان بولەك, نوتاريۋس ەلەكتروندىق تسيفرلىق قولتاڭبانىڭ جابىق كىلتىن باسقا تۇلعالارعا زاڭسىز بەرگەن جاعدايدا ليتسەنزياسى كەرى قايتارىپ الىنادى.
ەلەكتروندىق ساۋدا وپەراتورلارىنىڭ قىزمەتى زاڭنامالىق دەڭگەيدە بەكىتىلمەك
زاڭدا نوتارياتتىق ەلەكتروندىق مۇراعاتتى قالىپتاستىرۋ ءتارتىبى دە بەكىتىلەدى.
مۇددەلەر قاقتىعىسىن بولعىزباۋ ماقساتىمەن نوتاريۋستارعا باسشىلارى, قۇرىلتايشىلارى نەمەسە اكتسيونەرلەرى وزدەرىنىڭ جاقىن تۋىستارىنا جاتاتىن زاڭدى تۇلعالارعا قاتىستى نوتارياتتىق ءىس-ارەكەتتەر جاساۋعا تىيىم سالىنادى.
ەلىمىزدە نوتاريۋستارعا باقىلاۋ كۇشەيتىلەدى: جاڭا تالاپتار قانداي؟
ەسكە سالا كەتەيىك, بۇگىن استانادا پارلامەنت ءماجىلىسىنىڭ جالپى ءوتىرىسى وتىپ جاتىر. ەلىمىزدە العاش رەت قىلمىستىق راقىمشىلىقپەن قاتار اكىمشىلىك راقىمشىلىق جۇرگىزىلمەك.