قاسىم-جومارت توقاەۆ كيپر پرەزيدەنتىنىڭ قازاقستانعا العاشقى تاريحي ساپارى ەكىجاقتى ىنتىماقتاستىقتى دامىتۋدىڭ ماڭىزدى كەزەڭى سانالاتىنىن اتاپ ءوتىپ, نيكوس ءحريستودۋليديستىڭ ەلدەرىمىز اراسىنداعى قارىم-قاتىناستى نىعايتۋعا قوسقان ۇلەسىن جوعارى باعالادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كيپر پرەزيدەنتى جوعارى ناگرادانى تابىستاعانى ءۇشىن مەملەكەت باسشىسىنا العىس ايتتى.
«ماراپاتتى ەكى ەل اراسىنداعى دوستىقتىڭ نىشانى رەتىندە كيپر حالقىنىڭ اتىنان قابىل الامىن. بۇل – مەن ءۇشىن زور مارتەبە. بۇگىنگى ساپار پەرسپەكتيۆتى سالالارداعى ىنتىماقتاستىقتى ودان ءارى تەرەڭدەتۋ جولىنداعى ورتاق مۇددە مەن مىقتى ساياسي ەرىك-جىگەرىمىزدى پاش ەتەدى», دەدى نيكوس حريستودۋليديس.ەسكە سالا كەتەيىك, بۇگىن كيپر رەسپۋبليكاسىنىڭ پرەزيدەنتى نيكوس حريستودۋليديس ەلىمىزگە رەسمي جۇمىس ساپارىمەن كەلدى. پرەزيدەنت مارتەبەلى مەيماندى تاۋەلسىزدىك سارايىندا رەسمي قارسى الدى. ەكى ەل پرەزيدەنتتەرى شاعىن جانە كەڭەيتىلگەن قۇرامدا كەلىسسوز جۇرگىزدى.