استانانىڭ الماتى اۋدانىندا ورنالاسقان كوپقاباتتى تۇرعىن ۇيلەردىڭ بىرىندە ءورت شىقتى. قۇتقارۋشىلار وقيعا ورنىنا جەدەل جەتىپ, ءتىلسىز جاۋدىڭ باسقا پاتەرلەرگە تارالۋىنا جول بەرمەدى, دەپ حابارلايدى Egemen.kz.
استانا قالاسىنىڭ الماتى اۋدانىنداعى ايناكول كوشەسىندە ورنالاسقان كوپقاباتتى تۇرعىن ءۇيدىڭ ءبىر پاتەرىندە ءورت بولدى. الدىن الا مالىمەت بويىنشا, جالىن بالكون مەن بولمەنى شارپىعان.
وقيعا تۋرالى حابار تۇسكەننەن كەيىن توتەنشە جاعدايلار مينيسترلىگىنىڭ بولىمشەلەرى دەرەۋ جەتىپ, ءورتتى قىسقا ۋاقىت ىشىندە وقشاۋلاپ, تولىق ءسوندىردى.
ءورتتىڭ جالپى اۋماعى 15 شارشى مەتردى قۇرادى. قۇتقارۋشىلاردىڭ جەدەل ارەكەتىنىڭ ارقاسىندا جالىن كورشىلەس پاتەرلەر مەن باسقا دا بولمەلەرگە تاراعان جوق.
سەمەيدە شارۋاشىلىق تاۋارلارى ساقتالعان قويما ورتەندى
زارداپ شەككەندەر تۋرالى اقپارات تىركەلمەگەن. قازىرگى ۋاقىتتا ءورتتىڭ شىعۋ سەبەبى انىقتالىپ جاتىر.
توتەنشە جاعدايلار قىزمەتى تۇرعىنداردى ءورت قاۋىپسىزدىگى تالاپتارىن قاتاڭ ساقتاۋعا, ەلەكتر قۇرىلعىلارى مەن تۇرمىستىق تەحنيكالاردى قاراۋسىز قالدىرماۋعا شاقىردى.