ماڭعىستاۋ وبلىسى بەينەۋ اۋدانىنداعى «Qazaq Oil-R437» جانارماي قۇيۋ بەكەتىنىڭ اۋماعىندا جازاتايىم وقيعا بولدى. جانارماي قۇيۋ بەكەتىندە مەتالل بوشكە جارىلىپ, جالدامالى جۇمىسشى ءارتۇرلى دارەجەدە كۇيىك العان, دەپ جازادى Egemen.kz.
Lada.kz مالىمەتىنشە, وقىس وقيعا 10 ناۋرىز كۇنى بولعان. جارىلىس سالدارىنان ەر ادام اۋىر جاراقات العان. ال وبلىستىق توتەنشە جاعدايلار دەپارتامەنتى اتالعان مەكەنجايدان شاقىرتۋ تۇسپەگەنىن مالىمدەدى.
شاحتينسكىدەگى جارىلىس: پاتەردى قاساقانا ورتەدى دەگەن كۇدىككە ىلىنگەن ەر ادام ۇستالدى
ء«ورت تىركەلگەن جوق. انىقتاۋشىلار پوليتسيانىڭ شاقىرتۋىمەن اۋرۋحاناعا بارعان. زارداپ شەككەن ازاماتقا ەسكەرتۋ جاسالدى, ويتكەنى جۇمىس بارىسىندا ءورت قاۋىپسىزدىگى تالاپتارى ساقتالماعان», دەلىنگەن توتەنشە جاعدايلار دەپارتامەنتى تاراتقان حابارلامادا.
ماڭعىستاۋ وبلىسىنىڭ مەملەكەتتىك ەڭبەك ينسپەكتسياسى دا وقيعانىڭ ءمان-جايىن انىقتاعان. ءوز كەزەگىندە ەڭبەك ينسپەكتسياسى جۇمىس بەرۋشىلەرمەن بايلانىس ورناتىپ, تۇسىنىكتەمە الىنعان. زارداپ شەككەن ازاماتتى تانىستىرعان وكىلدىڭ (مەنەدجەردىڭ) ايتۋىنشا, ەر ادام ءبىر رەتتىك جۇمىستارعا عانا تارتىلعاندىقتان, ونىمەن ەڭبەك شارتى جاسالماعان.
ششۋچينسكتەگى جارىلىس: ەكى ادام جانساقتاۋ بولىمىندە جاتىر
قازىر ماماندار ازاماتتى ناقتى كەلىسىمشارتسىز, جاسىرىن جۇمىسقا تارتۋ دەرەگى بويىنشا قوسىمشا تەرگەۋدى جالعاستىرىپ جاتىر. قاجەتتى نەگىزدەر انىقتالعان جاعدايدا قولدانىستاعى زاڭناما اياسىندا ءتيىستى شارالار قابىلدانادى.
اقتوبەدە گاز قۇيۋ ستانساسىندا جارىلىس بولدى