ەلىمىزدە جۇرگىزۋشى كۋالىگىن اۆتوماتتى كولىكپەن ەمتيحان تاپسىرىپ العان ازاماتتارعا قاتىستى شەكتەۋ جويىلدى, دەپ حابارلايدى Egemen.kz.
ەندى جاڭا جۇرگىزۋشى كۋالىگىن الاتىن ازاماتتار مەحانيكالىق نەمەسە اۆتوماتتى بەرىلىس قورابى بار كەز كەلگەن كولىكتى زاڭدى تۇردە باسقارا الادى. بۇعان دەيىن اۆتوماتتى كولىكپەن ەمتيحان تاپسىرعان جۇرگىزۋشىلەردىڭ قۇجاتىنداعى «ەرەكشە بەلگىلەر» بولىمىندە ءتيىستى شەكتەۋ كورسەتىلەتىن ەدى.
جۇرگىزۋشىلەرگە ەسكەرتۋ: 1 ماۋسىمنان باستاپ جازعى شيناعا كوشۋ مىندەتتى
مامانداردىڭ ايتۋىنشا, بۇل نورما ەسكىرگەن دەپ تانىلدى. ويتكەنى قازاقستانداعى اۆتوموبيل نارىعىندا دا, ەكىنشى نارىقتا دا اۆتوماتتى بەرىلىس قورابى بار كولىكتەردىڭ ۇلەسى باسىم.
الايدا بۇرىن بەرىلگەن جۇرگىزۋشى كۋالىكتەرىندە مۇنداي بەلگىسى بار ازاماتتارعا جاڭا وزگەرىس بىردەن قولدانىلمايدى. ولار قۇجاتتارىن جوسپارلى تۇردە اۋىستىرعانعا دەيىن تەك اۆتوماتتى بەرىلىس قورابى بار كولىكتەردى جۇرگىزە الادى.
جۇرگىزۋشىلەر الاڭداۋلى: اتىراۋدا شەتەلدىك ءنومىرلى كولىكتەرگە تەكسەرۋ كۇشەيدى
سونىمەن قاتار ەلدە كولىك قۇرالدارىن تىركەۋگە قاتىستى جاڭا ەرەجەلەر كۇشىنە ەندى. ەندى ەل ازاماتتارى پايدالانىلعان مەملەكەتتىك تىركەۋ نومىرلەرىن تۋىستارىنا مۇراعا قالدىرادى نەمەسە سىيعا تارتا الادى. بۇعان دەيىن مۇنداي مۇمكىندىك تەك سۇرانىسى جوعارى نومىرلەرگە عانا بەرىلگەن بولاتىن.