قاراقشىلىق جاساپ 20 جىل بويى قاشىپ جۇرگەن قازاقستان ازاماتى رەسەيدە ۇستالدى. بۇل تۋرالى باس پروكۋراتۋرا مالىمدەدى, دەپ حابارلايدى Egemen.kz.
تەرگەۋ دەرەكتەرىنە سايكەس, كۇدىكتى 2006 جىلى پاۆلودار قالاسىندا جاقتاستارىمەن بىرگە قاراقشىلىق شابۋىل جاساپ, تۇرعىندار مۇلكىن ۇرلاعان.
«كۇدىكتىنى قوسپاعاندا ونىڭ باسقا سىبايلاستارى ءارتۇرلى مەرزىمگە باس بوستاندىعىنان ايىرۋ جازاسىنا سوتتالعان. ول قىلمىس جاساعاننان كەيىن قىلمىستىق قۋدالاۋ ورگانىنان جاسىرىنعان, وسىعان بايلانىستى حالىقارالىق ىزدەۋ جاريالانعان. 2025 جىلعى قىركۇيەكتە ول ءنوۆوسىبىر وبلىسىندا ۇستالىپ, ەلگە ەكستراديتسيالاندى», دەلىنگەن حابارلامادا.
باس پروكۋراتۋرا مالىمەتىنشە, ۇستالعان ازاماتتىڭ مۇلكى تاركىلەنىپ, 10 جىلعا دەيىن باس بوستاندىعىنان ايىرىلۋى مۇمكىن.
230 مىڭ دوللار جىمقىرعان بۋحگالتەر گرەكيادان ەكستراديتسيالاندى
ەسكە سالا كەتەيىك, ۆەدومستۆو بۇعان دەيىن رەسەيدەن اۆتوكولىك ساتامىن دەپ الداعان الاياقتى ەكستراديتسياعان بولاتىن.