تۋريزم جانە سپورت ۆيتسە-ءمينيسترى سەرىك جاراسباەۆ وليمپيادا چەمپيونى ميحايل شايدوروۆتىڭ ماسەلەسىنە بايلانىستى رەسمي مالىمدەمە جاسادى, دەپ حابارلايدى Egemen.kz.
مالىمدەمەدە وتاندىق سپورتتىڭ ماقتانىشى ميحايل شايدوروۆتىڭ ءوز ەسىمىن ەل سپورتىنىڭ تاريحىنا التىن ارىپتەرمەن جازعان ساڭلاق ەكەنى اتاپ وتىلگەن.
ء«بىز ونى ءاردايىم قولدايمىز جانە حالىقارالىق ارەنادا تابىستى ونەر كورسەتىپ, بيىك جەتىستىكتەرگە جەتە بەرۋىنە تىلەكتەسپىز. قوعامدا كەڭىنەن تالقىلانىپ جاتقان كەلىسىمشارت ماسەلەسىنە توقتالسام, بۇگىنگى كۇنى كەلىسىمشارت شايدوروۆتىڭ كومانداسىنا جولداندى جانە وعان قول قويىلدى. قول قويۋ ءراسىمىنىڭ بارلىعى قولدانىستاعى زاڭناما تالاپتارىنا سايكەس ءوتتى. تاراپتار ورتاق مامىلەگە كەلىپ, كەلىسىمشارتتىڭ بارلىق تارماعىن جان-جاقتى تالقىلادى. قۇجاتقا قول قويىلعاننان كەيىن مينيسترلىك ونى جۇمىس تارتىبىمەن قابىلدادى. الداعى ۋاقىتتا كەلىسىمشارتتا كوزدەلگەن بارلىق قارجى تولىق كولەمدە تولەنەدى», دەلىنگەن رەسمي مالىمدەمەدە.
سپورتتى دامىتۋ ديرەكتسياسى ميحايل شايدوروۆ جالاقىسىنا قاتىستى تۇسىنىك بەردى
سەرىك جاراسباەۆتىڭ ايتۋىنشا, 5 ماۋسىمدا ميحايل شايدوروۆ جاڭا ماۋسىمعا دايىندىق ءۇشىن اقش-قا اتتانادى. سونداي-اق بىرەر كۇننەن سوڭ م. شايدوروۆ ءوز كومانداسىمەن بىرگە تۋريزم جانە سپورت مينيسترلىگىنە كەلەدى.
«كەزدەسۋ بارىسىندا الداعى جوسپارلار مەن كەلەسى وليمپياداعا دايىندىق ماسەلەلەرىن تالقىلايمىز. سونىمەن قاتار ەلىمىزدە مانەرلەپ سىرعاناۋدى دامىتۋ باعىتىنداعى جۇمىستار جونىندە دە پىكىر الماسامىز», دەپ تۇيىندەدى ۆيتسە-مينيستر.
ەسكە سالايىق, ميحايل شايدوروۆ جالاقى داۋىنا قاتىستى مالىمدەمە جاسادى.