قازاقستاندا 10 مامىردا باستالعان نەگىزگى ۇلتتىق بىرىڭعاي تەستىلەۋ جالعاسىپ جاتىر. ءۇش اپتانىڭ قورىتىندىسى بويىنشا تالاپكەرلەر 139 مىڭعا جۋىق رەت ۇبت تاپسىرعان. تەستىلەۋگە قاتىسۋشىلاردىڭ 71 پايىزى قازاق ءتىلىن تاڭداسا, 29 پايىزى ورىس ءتىلىن, ال 259 تالاپكەر اعىلشىن ءتىلىن تاڭداعان, دەپ حابارلايدى Egemen.kz.
الدىن الا مالىمەتتەرگە سايكەس, تالاپكەرلەردىڭ 67 پايىزى شەكتى بالل جيناعان. بەس ءپان بويىنشا ورتاشا كورسەتكىش 65 بالدى قۇرادى. ەڭ جوعارى ناتيجە – 140 بالل. بۇل كورسەتكىشكە پاۆلودار وبلىسىنىڭ تۇلەگى اسەت التاير قول جەتكىزدى.
پاۆلودارلىق وقۋشى ۇبت-دان 140 بالل جينادى
ەرەكشە ءبىلىم بەرۋ قاجەتتىلىكتەرى بار تالاپكەرلەر ءۇشىن دە قاجەتتى جاعدايلار جاسالعان, بيىلعى تەستىلەۋگە وسى ساناتتاعى 392 ءبىلىم الۋشى قاتىستى.
تالاپكەرلەر تەست تاپسىرمالارىنىڭ مازمۇنىنا قاتىستى تەستىلەۋ اياقتالعاننان كەيىن 30 مينۋت ىشىندە اپەللياتسياعا ءوتىنىش بەرە الادى. ال تەحنيكالىق سەبەپتەر بويىنشا اپەللياتسيالار تەستىلەۋ بارىسىندا قابىلدانادى, ناتيجەلەر بويىنشا, سەرتيفيكاتتار اپەللياتسيا ءراسىمى اياقتالعاننان كەيىن جەكە كابينەتتەردە جاريالانادى.
ەسىك قالاسىندا تۇلەكتەر ينتەرنەتتىڭ وشۋىنە بايلانىستى ۇبت-نى قايتا تاپسىرادى
ۇبت وتكىزىلگەن ءۇش اپتا ىشىندە 283 ەرەجە بۇزۋشىلىق تىركەلدى. ونىڭ ىشىندە 168 تالاپكەر سمارتفون, سمارت كوزىلدىرىك, ميكروقۇلاققاپ, شپارگالكا جانە باسقا دا تىيىم سالىنعان زاتتاردى الىپ كىرمەك بولعانى ءۇشىن تەستىلەۋدەن شەتتەتىلگەن. سونداي-اق 115 ادام تەستىلەۋ كەزىندە ءتارتىپ بۇزعانى ءۇشىن اۋديتوريادان شىعارىلىپ, ولاردىڭ ناتيجەلەرى جويىلعان. باسقا ادامنىڭ ورنىنا تەست تاپسىرۋ دەرەكتەرى انىقتالماعان. ۇبت اياقتالعاننان كەيىن وسى جىلدىڭ 31 قازانىنا دەيىن بەينەجازبالارعا تالداۋ جۇرگىزىلەدى. ەرەجەلەردى بۇزۋ نەمەسە تىيىم سالىنعان زاتتاردى پايدالانۋ فاكتىلەرى انىقتالعان جاعدايدا تالاپكەرلەردىڭ ناتيجەلەرى جويىلادى.
ۇبت كەزىندە جارىق ءوشىپ قالسا, تۇلەكتەردىڭ ناتيجەسى قالاي باعالانادى؟ مينيستر جاۋاپ بەردى
ەسكە سالساق, بيىل ۇبت-عا قاتىسۋ ءۇشىن ەكى مۇمكىندىك بويىنشا 240 مىڭعا جۋىق تالاپكەردەن 446 مىڭنان استام ءوتىنىش قابىلدانعان.
گاۋحار ورازعاليەۆا,
ەۇۋ ستۋدەنتى