استانادا حالىقارالىق بالالاردى قورعاۋ كۇنىنە ارنالعان اۋقىمدى مەرەكەلىك باعدارلاما ازىرلەندى. بيىل ەلوردادا بالالار مەن ولاردىڭ اتا-انالارىنا ارنالعان 100-گە جۋىق ءىس-شارا وتكىزۋ جوسپارلانىپ وتىر. باعدارلاما ءارتۇرلى جاس ساناتىنداعى بالالاردىڭ قىزىعۋشىلىعىنا ساي التى باعىتقا بولىنگەن, دەپ حابارلايدى Egemen.kz.
العاشقى «بەسىك الەمى» بلوگى ءۇش جاسقا دەيىنگى بۇلدىرشىندەرگە ارنالعان. 1 ماۋسىم كۇنى جاستار ساياباعىندا ءداستۇرلى «اربا FEST» اربالار شەرۋى وتەدى. پرەزيدەنت ساياباعىندا ەڭبەكتەيتىن سابيلەر اراسىندا «شاپشاڭ بوبەك» سپورتتىق جارىسى ۇيىمداستىرىلادى. سونىمەن قاتار قالا ساياباقتارىندا «باقىت مەكەنى» وتباسىلىق فوتوايماقتارى مەن «بالا الەمى» دامىتۋشى ويىن الاڭدارى جۇمىس ىستەيدى.
3-6 جاس ارالىعىنداعى بالالارعا ارنالعان «بالاپان الەمى» بلوگى اياسىندا 25 مامىر مەن 1 ماۋسىم ارالىعىندا سۋداعى, كوشەدەگى جانە ينتەرنەتتەگى قاۋىپسىزدىك ەرەجەلەرىنە ارنالعان تانىمدىق ءارى ويىن فورماتىنداعى ءىس-شارالار وتەدى.
1 ماۋسىم كۇنى ساعات 12:00-دە III حالىقارالىق كلوۋندار فەستيۆالى باستالادى. فەستيۆال قاتىسۋشىلارى «بايتەرەك» مونۋمەنتىنەن عاشىقتار ساياباعىنا دەيىن شەرۋ جاساپ وتەدى. ال كەشكى ساعات 17:00-دە امفيتەاتردا مەرەكەلىك كونتسەرت ۇيىمداستىرىلادى.
كونستيتۋتسيالىق سوت: بالالاردىڭ زاڭدى مۇددەلەرىن قورعاۋ – باسىم باعىت
ساعات 10:00-دەن 18:00-گە دەيىن ەلوردالىق ەمحانالاردا بالالارعا ارنالعان ءتىس دارىگەرلەرىنىڭ پروفيلاكتيكالىق تەكسەرۋى بويىنشا اشىق ەسىك كۇنى وتەدى.
ساعات 12:00-دە كىرپىشتى تۇرعىن الابىندا, ال ساعات 13:00-دە ءوندىرىس تۇرعىن الابىندا «كوڭىلدى ستارتتار» جارىسى ۇيىمداستىرىلادى. سونىمەن قاتار ساعات 15:00-دە «حان شاتىر» ساۋدا ويىن-ساۋىق ورتالىعىندا بالالار ءسان كورسەتىلىمى وتەدى.
№64 مەكتەپ-ليتسەيىندە «الەم بالالار كوزىمەن» اتتى اشىق اسپان استىنداعى شىعارماشىلىق بايقاۋ وتسە, تەحنيكالىق جانە كوركەم شىعارماشىلىق ورتالىعىندا بالالار جۇمىستارىنىڭ كورمەسى مەن شەبەرلىك ساباقتارى ۇيىمداستىرىلادى. قالالىق الاڭدا كونتسەرتتىك باعدارلاما ۇسىنىلادى.
11-14 جاس ارالىعىنداعى بالالارعا ارنالعان «جاس وركەن» بلوگى اياسىندا 25 مامىر مەن 1 ماۋسىم ارالىعىندا ورتالىق ساياباقتا, پرەزيدەنت ساياباعىندا جانە «جەتىسۋ» ساياباعىندا قاۋىپسىزدىك تاقىرىبىنداعى «باقىتتى بالالىق ءۇشىن» اكتسياسى ءوتىپ جاتىر.
م.وتەمىس ۇلى اتىنداعى وقۋشىلار سارايىنىڭ الاڭىندا «Bala energy» open-air فەستيۆالى, ال «ARQA ALAN» ۇلتتىق سپورت تۇرلەرىن دامىتۋ ورتالىعىندا «Ethno Games ارقاLan» فەستيۆالى وتەدى.
جاسوسپىرىمدەرگە ارنالعان «بولاشاققا قادام» بلوگى اياسىندا «Astana FIDA Drone Soccer Championship» حالىقارالىق درون-فۋتبول چەمپيوناتى ۇيىمداستىرىلادى. سونداي-اق امفيتەاتر ساحناسىندا «QosymshaFest» فەستيۆالى وتسە, قالالىق الاڭدا وپەرا جانە بالەت تەاترىمەن بىرلەسكەن ء«تۇرلى-ءتۇستى موزايكا» بايقاۋى وتەدى.
بالالاردى قورعاۋ كۇنى: پرەزيدەنت تاپسىرمالارى قالاي جۇزەگە اسىرىلىپ جاتىر؟
1 ماۋسىم كۇنى تاڭعى ساعات 09:00-دە ورتالىق ساياباقتاعى شاڭعى-روللەر تراسساسىندا وتباسىلىق Kids RUN جارىسى باستالادى. پرەزيدەنت ساياباعىندا «وتباسى – باقىت مەكەنى» سۋرەت سالۋ ساباعى وتسە, Ailand وتباسىلىق دەمالىس ورتالىعىندا مەرەكەلىك كونتسەرت ۇيىمداستىرىلادى.
سونىمەن قاتار مەرەكە قارساڭىندا ەلورداداعى بىرقاتار مەكەنجايدا جاڭارتىلعان بالالار ويىن جانە سپورت الاڭدارىنىڭ سالتاناتتى اشىلۋى جوسپارلانعان.
پرومىشلەننىي, ينتەرناتسيونالنىي, ميچۋرينو جانە كۇيگەنجار تۇرعىن الاپتارىندا بالالارعا ارنالعان كونتسەرتتەر مەن ينتەراكتيۆتى باعدارلامالار وتەدى.
پرەزيدەنت ساياباعىندا ويىندار, بايقاۋلار مەن انيماتورلاردىڭ قاتىسۋىمەن مەرەكەلىك باعدارلاما ۇيىمداستىرىلادى. ەرەكشە ءبىلىم بەرۋ قاجەتتىلىكتەرى بار بالالاردىڭ كونتسەرتى جانە «Bolashak» ينكليۋزيۆتى تەاترىنىڭ ءسان كورسەتىلىمى دە كوپشىلىك نازارىنا ۇسىنىلادى.
سونداي-اق 1 ماۋسىم كۇنى «بەرەكە استانا» وڭالتۋ ورتالىعىنىڭ سالتاناتتى اشىلۋى وتەدى. ورتالىق ساياباقتاعى ۇلتتىق تەننيس ورتالىعى ماڭىندا «Bala Fest» بالالار سپورتتىق ويىندارى فەستيۆالى ۇيىمداستىرىلادى.
مەملەكەت باسشىسى حالىقارالىق بالالاردى قورعاۋ كۇنىمەن قۇتتىقتادى
2 ماۋسىم كۇنى جاستار سارايىندا بالالاردى قورعاۋ كۇنىنە جانە «وتباسىلىق اۋلا كلۋبى/زامانداس جاستار كوۆوركينگى» جوباسىنىڭ 15 جىلدىعىنا ارنالعان كونتسەرت وتەدى.
بۇدان بولەك, 1 ماۋسىمنان باستاپ استاناداعى مەكتەپ جانىنداعى جازعى لاگەرلەر ءوز جۇمىسىن باستايدى.