«قازگيدرومەت» تاراتقان اقپاراتقا سايكەس, اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ باسىم بولىگىندە اۋا رايى قۇبىلمالى بولادى, ناقتى ايتقاندا جاڭبىر جاۋىپ, نايزاعاي كۇتىلەدى, دەپ حابارلايدى Egemen.kz.
2 ماۋسىمدا پاۆلودار وبلىسىندا, 3 ماۋسىمدا اتىراۋ جانە ماڭعىستاۋ وبلىستارىندا, 3-4 ماۋسىمدا اقتوبە وبلىسىندا, 4 ماۋسىمدا قوستاناي وبلىسىندا قاتتى جاڭبىر جاۋادى دەپ بولجانىپ وتىر. كەي جەرلەردە بۇرشاق ءتۇسىپ, ەكپىندى جەل سوعۋى مۇمكىن.
قازاقستاندا جاز ايلارىندا اۋا رايى قانداي بولادى؟ سينوپتيكتەر بولجامى
رەسپۋبليكا بويىنشا جەلدىڭ كۇشەيۋى كۇتىلەدى, ال وڭتۇستىك-باتىس پەن وڭتۇستىك وڭىرلەردە شاڭدى داۋىل بولۋى ىقتيمال.
«كۇندىزگى اۋا تەمپەراتۋراسى باتىستا +23…+28°س-قا دەيىن جوعارىلايدى. سولتۇستىك-باتىستا اۋا تەمپەراتۋراسى +13…+26°س-قا دەيىن تومەندەيدى. سولتۇستىك وڭىرلەردە +25…+32°س-قا دەيىن, رەسپۋبليكانىڭ ورتالىعى مەن شىعىسىندا +27…+36°س-قا دەيىن جوعارىلايدى. ال وڭتۇستىك جانە وڭتۇستىك-شىعىس وڭىرلەردە اۋا تەمپەراتۋراسى ءسال تومەندەپ, +25…+35°س شاماسىندا بولادى», دەلىنگەن حابارلامادا.
ال, بۇگىن ەلىمىزدىڭ باسىم بولىگىندە اۋا رايى قۇبىلمالى بولاتىنى تۋرالى جازعانبىز.