كونگو دەموكراتيالىق رەسپۋبليكاسى اۋماعىندا ەبولا ۆيرۋسىن جۇقتىرعانداردىڭ سانى 282 ادامعا جەتتى, دەپ حابارلايدى Egemen.kz.
مالىمەتتەرگە سايكەس, اۋرۋ ەڭ كوپ تارالعان ءوڭىر – يتۋري پروۆينتسياسى بولىپ وتىر. مۇندا 264 جۇقتىرۋ دەرەگى تىركەلگەن. سونداي-اق سولتۇستىك كيۆۋ پروۆينتسياسىندا – 15, وڭتۇستىك كيۆۋ وڭىرىندە – 3 جاعداي راستالعان.
سوڭعى مالىمەت بويىنشا, ىندەتتەن 42 ادام كوز جۇمعان. الايدا ددۇ ادام ءولىمى فاكتىسىنىڭ بۇدان دا كوپ ەكەندىگىن ايتىپ دابىل قاعىپ وتىر. قازىرگى ۋاقىتتا 238 ناۋقاس ەم قابىلداپ جاتىر. تاعى ەكى ادام دەرتتەن ايىعىپ شىققان.
ەسكە سالايىق, كونگو بيلىگى ەبولا ىندەتىنىڭ ءورشۋى تۋرالى اقپاراتتى العاش 15 مامىردا جاريالاعان بولاتىن. اۋرۋ كورشىلەس ۋگانداعا دا تاراعان. بۇل ەلدە 9 ادامنان ۆيرۋس انىقتالىپ, 1 ادام قايتىس بولعان.
وسىعان بايلانىستى دۇنيەجۇزىلىك دەنساۋلىق ساقتاۋ ۇيىمى افريكادا توتەنشە جاعداي رەجيمىن ەنگىزدى.