اتىراۋدا 14 جاستاعى ءجاسوسپىرىمدى ۇرىپ-سوعۋ فاكتىسى بويىنشا قىلمىستىق ءىس قوزعالدى, دەپ حابارلايدى Egemen.kz وبلىستىق پوليتسيا دەپارتامەنتىنە سىلتەمە جاساپ.
وقيعاعا بايلانىستى پوليتسياعا 30 مامىر كۇنى قالا تۇرعىنى ارىزدانعان. اناسىنىڭ ايتۋىنشا, ءبىر توپ ءجاسوسپىرىم ونىڭ ۇلىن الداپ پاتەرگە شاقىرىپ, بىرنەشە ساعات بويى زاڭسىز ۇستاپ, كۇش كورسەتكەن.
تارازدا جاسوسپىرىمدەر اراسىنداعى كيكىلجىڭ جاپپاي توبەلەسكە ۇلاستى
پوليتسيا قىزمەتكەرلەرى وقيعاعا قاتىسى بار 15-16 جاستاعى بارلىق ءجاسوسپىرىمدى انىقتادى. ولار زاڭدى وكىلدەرىمەن بىرگە پوليتسيا باسقارماسىنا جەتكىزىلگەن.
«اتالعان دەرەك بويىنشا قىلمىستىق ءىس قوزعالىپ, تەرگەۋ امالدارى باستالدى», دەپ مالىمدەدى پوليتسيا دەپارتامەنتى.
قۇقىق بۇزۋشىلىققا قاتىسى بار جاسوسپىرىمدەر ىشكى ىستەر ورگاندارىنىڭ ەسەبىنە الىندى. سونىمەن قاتار ءىس ماتەريالدارى كامەلەتكە تولماعانداردىڭ ىستەرى جونىندەگى كوميسسيانىڭ قاراۋىنا جولدانادى.
جاسوسپىرىمدەر تراگەدياسى قوعامدى ويلاندىرىپ تۇر
ال ولاردىڭ اتا-انالارى بالالاردى تاربيەلەۋ جونىندەگى مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى. زاڭعا سايكەس بۇل قۇقىق بۇزۋشىلىق ءۇشىن 10 ايلىق ەسەپتىك كورسەتكىش (2026 جىلى – 43 250 تەڭگە) كولەمىندە ايىپپۇل قاراستىرىلعان.
قازىرگى ۋاقىتتا وقيعانىڭ بارلىق ءمان-جايىن انىقتاۋ ماقساتىندا تەرگەۋ جالعاسىپ جاتىر.