2026 جىلعى مامىر ايىندا قازاقستانداعى ينفلياتسيانىڭ ايلىق دەڭگەيى 0,7%-دى قۇرادى. بۇل كورسەتكىش تۇتىنۋ باعالارىنىڭ جالپى ءوسۋ قارقىنىن سيپاتتايدى. ءبىر اي ىشىندە ازىق-ت ۇلىك تاۋارلارىنىڭ باعاسى 0,4%-عا, ازىق-ت ۇلىككە جاتپايتىن تاۋارلار 0,6%-عا, ال اقىلى قىزمەتتەر 1,1%-عا قىمباتتادى, دەپ حابارلايدى Egemen.kz.
ازىق-ت ۇلىك ونىمدەرىنىڭ ىشىندە بىرقاتار تاۋاردىڭ باعاسى ايتارلىقتاي تومەندەدى. اتاپ ايتقاندا, قيار 25,4%-عا, قىزاناق 25,1%-عا, ءتاتتى بۇرىش 8,3%-عا, سارىمساق 3,1%-عا, ماندارين 2,6%-عا جانە قىزىلشا 2%-عا ارزاندادى. سونىمەن قاتار كۇنباعىس مايى مەن كونسەرۆىلەنگەن جۇگەرى باعاسى 0,4%-عا تومەندەدى. ال كەيبىر ونىمدەردىڭ باعاسى ءوستى: قوي ەتى 4,7%-عا, سيىر باۋىرى مەن مايداعى شپروتتار 3,3%-عا, الما 3,1%-عا, شۇجىق 1,7%-عا, ءسۇت 1,1%-عا, جۇمىرتقا 0,6%-عا جانە ايران 0,4%-عا قىمباتتادى. ازىق-ت ۇلىككە جاتپايتىن تاۋارلار اراسىندا دا باعا وزگەرىستەرى بايقالدى. تابا باعاسى 4,8%-عا, ىدىس جۋعىش ماشينا 3,3%-عا, كىتاپتار 2,5%-عا, سمارتفوندار 1,5%-عا ارزاندادى. بولمە وسىمدىكتەرىنىڭ باعاسى دا 0,6%-عا تومەندەدى. كەرىسىنشە, فوتواپپاراتتار 7,4%-عا, ۇتىكتەر 3,1%-عا, شارۋاشىلىق سابىن 2,7%-عا جانە ءدارى-دارمەكتەر 1,7%-عا قىمباتتادى.
قىزمەت كورسەتۋ سالاسىندا بالالار اتتراكتسيوندارى قىزمەتتەرىنىڭ باعاسى 6,6%-عا, كولىك قىزمەتتەرى 1,5%-عا جانە اۆتوكولىك جۋ قىزمەتتەرى 0,7%-عا ءوستى. جىلدىق كورسەتكىش بويىنشا, ياعني 2025 جىلعى مامىرمەن سالىستىرعاندا, 2026 جىلعى مامىردا ينفلياتسيا دەڭگەيى 10,4%-دى قۇرادى. وسى كەزەڭدە ازىق-ت ۇلىككە جاتپايتىن تاۋارلار باعاسى 11,7%-عا, ازىق-ت ۇلىك ونىمدەرى 10,7%-عا جانە اقىلى قىزمەتتەر 8,7%-عا ءوستى.
قازاقستاندا ينفلياتسيا قارقىنى باياۋلادى
جىلدىق ەسەپتە كەيبىر ازىق-ت ۇلىك ونىمدەرىنىڭ باعاسى تومەندەگەن. مىسالى, قيار 35,2%-عا, پياز 25,1%-عا, قىزاناق 24,3%-عا, كارتوپ 7,5%-عا, بانان 4,9%-عا جانە كۇرىش 4,3%-عا ارزاندادى. ال الما باعاسى 9,8%-عا, مۇزداتىلعان بالىق 8,5%-عا, قارا شاي 7,6%-عا, ماكارون ونىمدەرى 6,6%-عا جانە قانت 2,3%-عا ءوستى.
2025 جىلدىڭ مامىرىمەن سالىستىرعاندا وتاندىق جەڭىل اۆتوكولىكتەردىڭ باعاسى 17,9%-عا تومەندەدى. سونداي-اق ازيتروميتسين 6%-عا جانە ميكروتولقىندى پەشتەر 1,1%-عا ارزاندادى. دەگەنمەن شارۋاشىلىق سابىن 10,5%-عا, ەرلەر شالبارى 10,2%-عا, كىر جۋعىش ۇنتاق پەن تۇرمىستىق تەحنيكالار باعاسى 9,1%-عا قىمباتتادى. قىزمەت كورسەتۋ سەكتورىندا كولىك قىزمەتتەرى 11,1%-عا, قوناقۇي قىزمەتتەرى 10,3%-عا, ءبىلىم بەرۋ قىزمەتتەرى 8,9%-عا جانە ءموبيلدى بايلانىس قىزمەتتەرى 7,6%-عا ءوستى.
تۇتىنۋ باعالارىنىڭ يندەكسى ينفلياتسيا دەڭگەيىن انىقتايتىن نەگىزگى كورسەتكىش سانالادى. ول اي سايىن ەسەپتەلىپ, 537 ءتۇرلى تاۋار مەن قىزمەت ءتۇرىنىڭ باعاسىنا جۇرگىزىلگەن باقىلاۋ ناتيجەلەرىنە نەگىزدەلەدى. قازاقستانداعى ينفلياتسيا ديناميكاسى بويىنشا مالىمەتتەر ارنايى ينتەراكتيۆتى داشبوردتا جاريالانىپ وتىرادى.
جىل سوڭىنا قاراي ينفلياتسيا 10%-عا دەيىن تومەندەيدى
وسىلايشا, 2026 جىلعى مامىر ايىنداعى ينفلياتسيا تۋرالى دەرەكتەر قازاقستانداعى تۇتىنۋ نارىعىندا باعا دەڭگەيىنىڭ ءوسۋ ءۇردىسى جالعاسىپ جاتقانىن كورسەتەدى. بۇل جاعداي حالىقتىڭ ساتىپ الۋ قابىلەتىنە اسەر ەتىپ, مەملەكەت تاراپىنان ينفلياتسيانى باقىلاۋ جانە الەۋمەتتىك ماڭىزى بار تاۋارلار باعاسىنىڭ تۇراقتىلىعىن ساقتاۋ باعىتىنداعى شارالاردى ودان ءارى كۇشەيتۋدىڭ ماڭىزدىلىعىن دالەلدەيدى. ەكونوميكالىق تۇراقتىلىق پەن حالىقتىڭ ءال اۋقاتىن ارتتىرۋ ءۇشىن باعا ءوسىمىن تەجەۋگە باعىتتالعان ءتيىمدى ساياسات جۇرگىزۋ الداعى كەزەڭدە دە ماڭىزدى مىندەتتەردىڭ ءبىرى بولىپ قالا بەرەدى.
بالنۇر ماحمەدحان,
ەۇۋ ستۋدەنتى